മനാമ : ഐ.വൈ.സി.സി ഹമദ് ടൗൺ ഏരിയ കമ്മിറ്റി നേതൃത്വത്തിൽ കബീർ മുഹമ്മദ് അനുസ്മരണം സംഘടിപ്പിച്ചു. ഹമദ് ടൗൺ ഏരിയ വൈസ് പ്രസിഡന്റ് ആയിരിക്കെ കഴിഞ്ഞവർഷമാണ് ഹൃദയാഘാതംമൂലം അദ്ദേഹം മരണപ്പെട്ടത്. ജീവകാരുണ്യ സാമൂഹിക സേവനരംഗത്ത് സജീവമായി ഇടപെട്ട അദ്ദേഹം കൊല്ലം ചടയമംഗലം സ്വദേശിയാണ്. ഒന്നാം ചരമാവാർഷികത്തോട് അനുബന്ധിച്ചാണ് ഏരിയ കമ്മിറ്റി നേതൃത്വത്തിൽ ഹമദ് ടൗൺ കെ.എം.സി.സി ഹാളിൽവെച്ച് അനുസ്മരണ പരിപാടി നടത്തിയത്.ഐ.വൈ.സി.സി ഹമദ് ടൗൺ ഏരിയ പ്രസിഡന്റ് വിജയൻ ടി.പി അധ്യക്ഷതവഹിച്ചു.
ഐ.വൈ.സി.സി ബഹ്റൈൻ പ്രസിഡന്റ് ഷിബിൻ തോമസ് ഉദ്ഘാടനം നിർവഹിച്ചു. ഐ.വൈ.സി.സിയിലെ സൗമ്യ മുഖമായിരുന്നു കബീർ മുഹമ്മദെന്ന് പ്രസിഡന്റ് ഷിബിൻ തോമസ് അഭിപ്രായപ്പെട്ടു. സാമൂഹിക പ്രവർത്തകൻ യു.കെ. അനിൽകുമാർ അനുസ്മരണ പ്രഭാഷണം നടത്തി. ഐ.വൈ.സി.സി ബഹ്റൈൻ ദേശീയ സെക്രട്ടറി രഞ്ജിത്ത് മാഹി, ട്രഷറർ ബെൻസി ഗനിയുഡ്, ദേശീയ കോർ കമ്മിറ്റി അംഗങ്ങൾ, മുൻ പ്രസിഡന്റ് ജിതിൻ പരിയാരം, കബീർ മുഹമ്മദിന്റെ ഭാര്യ സഹോദരൻ അൻസാരി, ദേശീയ എക്സിക്യൂട്ടിവ് അംഗങ്ങളായ നസീർ പൊന്നാനി, റോയ് മത്തായി, പ്രമീജ് കുമാർ, വിവിധ ഏരിയ ഭാരവാഹികളായ സജിൽ, മണികണ്ഠൻ, നൂർ മുഹമ്മദ്, ഷാഫി വയനാട്, ഫൈസൽ പട്ടാമ്പി, മുൻ എക്സിക്യൂട്ടിവ് അംഗം അനീഷ് ഭോപ്പാൽ എന്നിവർ സംസാരിച്ചു.ഐ.വൈ.സി.സി ഹമദ് ടൗൺ ഏരിയ സെക്രട്ടറി ഹരിശങ്കർ സ്വാഗതം പറഞ്ഞു. ഏരിയ ജോയന്റ് സെക്രട്ടറി ജയരാജ് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.