ഷഫിലി ഷഫാഅത്തിന് ബഹ്റൈൻ കെ.എം.സി.സി
വില്യാപ്പള്ളി പഞ്ചായത്ത് കമ്മിറ്റി മെമന്റോ നൽകുന്നു
മനാമ: ഗോവയിൽ നടന്ന 37ാം ദേശീയ ഗെയിംസിൽ കളരിപ്പയറ്റ് കൈപ്പോര് മത്സരത്തിൽ കേരളത്തെ പ്രതിനിധാനം ചെയ്ത് സ്വർണമെഡൽ കരസ്ഥമാക്കിയ ഷഫിലി ഷഫാഅത്തിനെ ബഹ്റൈൻ കെ.എം.സി.സി വില്യാപ്പള്ളി പഞ്ചായത്ത് കമ്മിറ്റി മെമന്റോ നൽകി ആദരിച്ചു.
ഹരിത വില്യാപ്പള്ളി പഞ്ചായത്ത് പ്രസിഡന്റായ ഷഫിലി ഷഫാഅത്ത് മുസ്‍ലിം യൂത്ത് ലീഗ് വില്യാപ്പള്ളി പഞ്ചായത്ത് പ്രസിഡന്റ് സുബൈർ ചെത്തിലിന്റെ മകളാണ്.
ബഹ്റൈൻ കെ.എം.സി.സി സംസ്ഥാന വൈസ് പ്രസിഡന്റ് എ.പി. ഫൈസൽ, കുറ്റ്യാടി മണ്ഡലം ജനറൽ സെക്രട്ടറി സഹീർ പറമ്പത്ത് എന്നിവർ ചേർന്ന് മെമന്റോ കൈമാറി. സുബൈർ ചെത്തിൽ, കെ.എം.സി.സി വില്യാപ്പള്ളി പഞ്ചായത്ത് വൈസ് പ്രസിഡന്റ് ഹമീദ് വീരാളി, ജുനൈദ് എടലോറ്റുമ്മൽ എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.