കൊല്ലം പ്രവാസി അസോസിയേഷൻ സ്വാതന്ത്ര്യദിന സംഗമത്തിൽനിന്ന്
മനാമ: കൊല്ലം പ്രവാസി അസോസിയേഷൻ ചിൽഡ്രൻസ് പാർലമെന്റിന്റെയും കല-സാഹിത്യ വിഭാഗം സൃഷ്ടിയുടെയും നേതൃത്വത്തിൽ സ്വാതന്ത്ര്യദിന സംഗമം സംഘടിപ്പിച്ചു. പരിപാടിയിൽ ചിൽഡ്രൻസ് പാർലമെന്റ് അംഗങ്ങളും സൃഷ്ടി അംഗങ്ങളും അവതരിപ്പിച്ച വിവിധ കലാപരിപാടികൾ അരങ്ങേറി. ടൂബ്ലി കെ.പി.എ ആസ്ഥാനത്ത് നടന്ന പരിപാടി സാമൂഹിക പ്രവർത്തകൻ മോനി ഓടിക്കണ്ടത്തിൽ ഉദ്ഘാടനം ചെയ്തു. ആലപ്പുഴ പ്രവാസി അസോസിയേഷൻ പ്രസിഡന്റ് ജെയ്‌സൺ കോടമ്പലത്ത് സ്വാതന്ത്ര്യദിന സന്ദേശം നൽകി.
കെ.പി.എ വൈസ് പ്രസിഡന്റ് കിഷോർ കുമാർ അധ്യക്ഷത വഹിച്ചു. യോഗത്തിൽ ജനറൽ സെക്രട്ടറി ജഗത് കൃഷ്ണകുമാർ, സെക്രട്ടറി സന്തോഷ് കാവനാട്, നിയുക്ത സെക്രട്ടേറിയറ്റ് കമ്മിറ്റി അംഗങ്ങളായ പ്രശാന്ത് പ്രബുധൻ, കോയിവിള മുഹമ്മദ്, മനോജ് ജമാൽ, രജീഷ് പട്ടാഴി എന്നിവർ ആശംസകൾ അറിയിച്ചു.
ചിൽഡ്രൻസ് പാർലമെന്റ് കോഓഡിനേറ്റർ അനിൽകുമാർ സ്വാഗതവും സൃഷ്ടി കോഓഡിനേറ്റർ സ്മിതീഷ്‌ നന്ദിയും പറഞ്ഞു. കോഓഡിനേറ്റർ ജ്യോതി പ്രമോദ് പരിപാടികൾ നിയന്ത്രിച്ചു. ചിൽഡ്രൻസ് പാർലമെന്റ്, സൃഷ്ടി അംഗങ്ങൾ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.