ചി​രി​യു​ടെ, ചി​ന്ത​യു​ടെ കോ​വൂ​ർ

ചി​രി​യും ചി​ന്ത​യു​മാ​യി മ​ല​യാ​ള ക​ലാ​ലോ​ക​ത്തെ കീ​ഴ​ട​ക്കി​യ അ​തു​ല്യ ക​ലാ​കാ​ര​നാ​ണ് വി​നോ​ദ് കോ​വൂ​ർ. എം 80 ​മൂ​സ​യാ​യും മ​റി​മാ​യ​ത്തി​ലെ മൊ​യ്തു​വു​മാ​യു​മെ​ല്ലാം നി​റ​ഞ്ഞാ​ടി​ക്കൊ​ണ്ടി​രി​ക്കു​ന്ന ന​ട​ൻ. കോ​ഴി​ക്കോ​ട് ജി​ല്ല​യി​ലെ കോ​വൂ​രു​കാ​ര​ൻ. സ്കൂ​ൾ പ​ഠ​ന​കാ​ല​ത്തു ത​ന്നെ മി​മി​ക്രി​യി​ലും മോ​ണോ ആ​ക്ടി​ലും, സം​ഗീ​ത​ത്തി​ലും താ​രം മി​ക​വ് പു​ല​ർ​ത്തി.

നാ​ലാം ക്ലാ​സി​ൽ പ​ഠി​ക്കു​മ്പോ​ൾ ഓ​ൾ കേ​ര​ള നാ​ട​ക​മ​ത്സ​ര​ത്തി​ൽ മി​ക​ച്ച ബാ​ല​താ​ര​മാ​യി തി​ര​ഞ്ഞെ​ടു​ക്ക​പ്പെ​ട്ട് പ്ര​തി​ഭ തെ​ളി​യി​ച്ച വി​നോ​ദ്, ഗു​രു​വാ​യൂ​ര​പ്പ​ൻ കോ​ള​ജി​ലെ​ത്തി​യ​പ്പോ​ൾ കാ​ലി​ക്ക​റ്റ് യൂ​നി​വേ​ഴ്സി​റ്റി​യെ മാ​സ്മ​രി​ക ക​ലാ​പ്ര​ക​ട​നം​കൊ​ണ്ട് കീ​ഴ​ട​ക്കി. സം​സ്ഥാ​ന സ​ർ​ക്കാ​റി​ന്റെ കേ​ര​ളോ​ത്സ​വ നാ​ട​ക​മ​ത്സ​ര​ത്തി​ൽ തു​ട​ർ​ച്ച​യാ​യി നാ​ലു​വ​ർ​ഷം മി​ക​ച്ച ന​ട​ൻ. കോ​ഴി​ക്കോ​ട്ടെ ആ​ദ്യ മി​മി​ക്രി ട്രൂ​പ്പാ​യ ടോം ​ആ​ൻ​ഡ് ജെ​റി സ്ഥാ​പി​ച്ചു​കൊ​ണ്ട് മു​ഴു​വ​ൻ സ​മ​യ ക​ലാ​പ്ര​വ​ർ​ത്ത​ന​ത്തി​ലേ​ക്ക് ചു​വ​ടു​വെ​ച്ചു. അ​തി​നു​ശേ​ഷം ചാ​ന​ൽ പ്രോ​ഗ്രാ​മു​ക​ളി​ലും റി​യാ​ലി​റ്റി ഷോ​ക​ളി​ലും സ്ഥി​രം താ​രം.

മീ​ഡി​യ​വ​ൺ ചാ​ന​ലി​ലെ എം 80 ​മൂ​സ എ​ന്ന കോ​മ​ഡി സീ​രി​യ​ലി​ലെ എം 80 ​മൂ​സ​യെ അ​വ​ത​രി​പ്പി​ച്ച​തോ​ടെ പ്ര​ശ​സ്തി​യു​ടെ കൊ​ടു​മു​ടി​യി​ലെ​ത്തി. ഇ​ന്ത്യ​ക്ക​ക​ത്തും പു​റ​ത്തു​മാ​യി നി​ര​വ​ധി വേ​ദി​ക​ളി​ൽ പ്രോ​ഗ്രാം അ​വ​ത​രി​പ്പി​ച്ചി​ട്ടു​ണ്ട്. പ​തി​മൂ​ന്ന് വ​ർ​ഷ​ത്തി​ല​ധി​ക​മാ​യി മ​റി​മാ​യം സീ​രി​യ​ലി​ലെ മൊ​യ്തു​വാ​ണ് വി​നോ​ദ് കോ​വൂ​ർ. അ​മ്പ​തി​ല​ധി​കം സി​നി​മ​ക​ളി​ൽ മി​ക​ച്ച വേ​ഷ​ങ്ങ​ളി​ൽ അ​ഭി​ന​യി​ച്ചി​ട്ടു​ണ്ട്.

ഷോ​ർ​ട്ട് ഫി​ലി​മു​ക​ൾ ഡ​യ​റ​ക്ട് ചെ​യ്തും പ്ര​ശം​സ പി​ടി​ച്ചു​പ​റ്റി. യു​വ​ജ​നോ​ത്സ​വ വേ​ദി​ക​ളി​ലെ മോ​ണോ​ആ​ക്ട് മ​ത്സ​ര​ങ്ങ​ളി​ലെ​ത്തു​ന്ന തീ​മു​ക​ൾ പ​ല​തും വി​നോ​ദി​ന്റെ സൃ​ഷ്ടി​യാ​ണ്. സ്റ്റാ​ൻ​ഡ​പ് കോ​മ​ഡി​യും പു​സ്ത​ക​ര​ച​ന​യും ഗാ​നാ​ലാ​പ​ന​വു​മെ​ല്ലാം ത​നി​ക്ക് അ​നാ​യാ​സം വ​ഴ​ങ്ങു​മെ​ന്ന് തെ​ളി​യി​ച്ച ക​ലാ​കാ​ര​ൻ. പ്ര​വാ​സി​ക​ളു​ടെ ഹൃ​ദ​യം കീ​ഴ​ട​ക്കി​യ ആ ​അ​ഭി​ന​യ​പ്ര​തി​ഭ നി​ല​വാ​ര​മു​ള്ള ഫ​ലി​ത​വും ചി​ന്ത​യു​മാ​യി ഇ​താ ബ​ഹ്റൈ​നി​ലെ​ത്തി​യി​രി​ക്കു​ക​യാ​ണ്.