മനാമ: കുഞ്ഞു കുരുന്നുകൾക്ക് മലയാള ഭാഷയുടെ മാധുര്യം നുകർന്നുകൊടുക്കുക എന്ന ലക്ഷ്യത്തോടെ ബഹ്‌റൈൻ സെന്റ് പോൾസ് മാർതോമ യുവജനസഖ്യം നടത്തിവരാറുള്ള അവധിക്കാല മലയാള പഠനകളരി ‘അക്ഷരജ്യോതി 2023’ തുടങ്ങി.
‘എന്റെ ഭാഷ എന്റെ അഭിമാനം’ എന്ന ചിന്താവിഷയം ആസ്‌പദമാക്കിയാണ് പാഠ്യപദ്ധതി ക്രമീകരിച്ചിരിക്കുന്നത്. ചെറുഗാനങ്ങൾ, കഥകൾ, കടങ്കഥകൾ, കവിതകൾ, കളികൾ തുടങ്ങിയവയും ഉൾപ്പെടുത്തിയിരിക്കുന്നു.റവ. മാത്യു ചാക്കോ അധ്യക്ഷത വഹിച്ചു. യോഗത്തിൽ യുവജന സഖ്യം വൈസ് പ്രസിഡന്റും അക്ഷര ജ്യോതി കൺവീനറുമായ ജസ്റ്റിൻ കെ. ഫിലിപ്പ് സ്വാഗത പ്രസംഗം നടത്തി.
റവ. ഫാദർ സിബി ബാബു (സെന്റ് ജോൺസ് ഓർത്തഡോക്സ് സിറിയൻ ചർച്ച് മുംബൈ, അന്ധേരി) ഉദ്ഘാടനം നിർവഹിച്ചു. പ്രധാനാധ്യാപകൻ ജെഫിൻ ഡാനി അലക്സ്‌ ക്ലാസുകൾക്ക് നേതൃത്വം നൽകി.സാമുവേൽ അനിയൻ വരികൾ എഴുതി ഈണം നൽകിയ ‘മലയാളമാണെന്റെ അഭിമാന ഭാഷ’ എന്നാരംഭിക്കുന്ന ഗാനം യോഗത്തിൽ ആലപിച്ചു. യുവജന സഖ്യം സെക്രട്ടറി എബിൻ മാത്യു ഉമ്മൻ നന്ദി അറിയിച്ചു. അക്ഷര ജ്യോതിയുടെ കൺവീനേഴ്സ് ആയി റോജൻ എബ്രഹാം റോയി, ജസ്റ്റിൻ കെ. ഫിലിപ്പ് എന്നിവർ പ്രവർത്തിക്കുന്നു. അക്ഷരജ്യോതി ക്ലാസുകൾ എല്ലാ വെള്ളിയാഴ്ചകളിലും രാവിലെ 11 മണി മുതൽ ഒരുമണി വരെ ആയിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.