മാല്‍ട് കോൺഗ്രസിൽ മേഖലയിലെ ഏറ്റവും നല്ല കോർപറേറ്റ് ഇവൻറ് അവാർഡ് ബഹ്‌റൈനിലെ ട്രാവൽ നിറ്റ്സ് ഏജൻസി സ്വീകരിക്കുന്നു
മനാമ: അബൂദബിയിൽ ഫെബ്രുവരി 28, 29 തീയതികളിൽ നടന്ന പന്ത്രണ്ടാമത് മാല്‍ട് കോൺഗ്രസിൽ, മേഖലയിലെ ഏറ്റവും നല്ല കോർപറേറ്റ് ഇവൻറ് അവാർഡിന് ബഹ്‌റൈനിലെ മലയാളി ഉടമസ്ഥതയിലുള്ള ട്രാവൽ നിറ്റ്സ് എന്ന ഏജൻസി അർഹരായി.
2023 മാർച്ചിൽ മൗറീഷ്യസിൽ 200ൽ പരം പേർക്ക് വേണ്ടി ട്രാവൽ നിറ്റ്സ് നടത്തിയ കോർപറേറ്റ് ഇൻസെന്റിവ് പ്രോഗ്രാമിനെ അടിസ്ഥാനപ്പെടുത്തിയാണ് അവാർഡിന് തിരഞ്ഞെടുത്തത്.
മേഖലയിലെ ഇൻഡസ്ട്രി ഐക്കൺ അവാർഡിന് മിഷാൽ കാനൂ അർഹമായി. മിഡിൽ ഈസ്റ്റ് ആൻഡ്‌ ആഫ്രിക്ക മേഖലയിലെ തിരഞ്ഞെടുത്ത ട്രാവൽ ഏജൻസികളെയും ലോകത്തിലെ പ്രമുഖ ആഡംബര യാത്രാസൗകര്യങ്ങൾ ഒരുക്കുന്ന വിതരണക്കാരെയും ബന്ധിപ്പിക്കുന്ന മേഖലയിലെ ഏറ്റവും വലിയ വേദിയാണ് കഴിഞ്ഞ 12 വർഷമായി വിജയകരമായി നടത്തിവരുന്ന മാല്‍ട് കോൺഗ്രസ്.
ട്രാവൽ നിറ്റ്സിന്റെ തന്നെ ഭാഗമായ വക്കൻസ ബഹ്റൈൻ 2024ൽ ബഹ്റൈനിൽ നടന്ന ഫോർമുല ഒന്നിലേക്ക് യൂറോപ്പിൽനിന്ന് പ്രത്യേകം ചാർട്ടർ ചെയ്ത വിമാനത്തിൽ അടക്കം 300ൽ പരം യാത്രക്കാരെ ബഹ്റൈനിൽ എത്തിക്കുകയുണ്ടായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.