മനാമ: ബി.കെ.എസ്-ഡി.സി അന്താരാഷ്ട്ര പുസ്തകമേളയോടനുബന്ധിച്ച് ബഹ്റൈൻ കേരളീയ സമാജം മലയാളം പാഠശാല സംഘടിപ്പിച്ച 'നിറച്ചാർത്ത്' കളറിങ് മത്സരത്തിന്റെ ഫലം പ്രഖ്യാപിച്ചു. ജൂനിയർ വിഭാഗത്തിൽ ശ്രീഹരി സന്തോഷ് ഒന്നാം സ്ഥാനവും അമേയ സുനീഷ് രണ്ടാം സ്ഥാനവും ജോബ് ജോസഫ് അജു മൂന്നാം സ്ഥാനവും നേടി.
സീനിയർ വിഭാഗത്തിൽ ദിയ ഷെറിൻ, ശ്രീഭവാനി വിവേക്, നേഹ ജഗദീഷ് എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. സ്പെഷൽ സ്കൂൾ കുട്ടികളുടെ വിഭാഗത്തിൽ തൻവീർ ഒന്നാം സ്ഥാനവും അൽഫോൻസ രണ്ടാം സ്ഥാനവും മൈലി മൂന്നാം സ്ഥാനവും നേടി.
പുസ്തകോത്സവത്തോടനുബന്ധിച്ചു നടന്ന ചടങ്ങിൽ സമാജം പ്രസിഡൻറ് പി.വി. രാധാകൃഷ്ണ പിള്ള വിജയികളെ പ്രഖ്യാപിച്ചു. സാഹിത്യ വിഭാഗം സെക്രട്ടറി ഫിറോസ് തിരുവത്ര, പാഠശാല പ്രിൻസിപ്പൽ ബിജു എം. സതീഷ്, വൈസ് പ്രിൻസിപ്പൽ രജിത അനി എന്നിവർ സന്നിഹിതരായിരുന്നു. വെള്ളിയാഴ്ച ബഹ്റൈൻ കേരളീയ സമാജത്തിൽ നടന്ന മത്സരത്തിൽ മുന്നൂറോളം കുട്ടികളാണ് പങ്കെടുത്തത്. അടുത്ത മാസം മലയാളം പാഠശാല സംഘടിപ്പിക്കുന്ന കേരളപ്പിറവി ആഘോഷ ചടങ്ങിൽ സമ്മാനങ്ങൾ വിതരണം ചെയ്യുമെന്ന് സംഘാടകർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.