മുഹറഖ് മലയാളിസമാജം സംഘടിപ്പിച്ച ഓണാഘോഷം മുഹറഖ് മുനിസിപ്പൽ കൗൺസിലർ അഹ്മദ് അൽ മുഖ്വാവി ഉദ്‌ഘാടനം ചെയ്യുന്നു
മനാമ: മുഹറഖ് മലയാളിസമാജം 'അഹ്‌ലൻ പൊന്നോണം' എന്നപേരിൽ ഓണാഘോഷം സംഘടിപ്പിച്ചു. മുഹറഖ് സയാനി ഹാളിൽ നടന്ന പരിപാടിയിൽ പ്രസിഡന്‍റ് ഷിഹാബ് കറുകപുത്തൂർ അധ്യക്ഷത വഹിച്ചു. മുഹറഖ് മുനിസിപ്പൽ കൗൺസിലർ അഹ്മദ് അൽ മുഖ്വാവി ഉദ്‌ഘാടനം ചെയ്തു. എം.എം.എസ് മുഖ്യരക്ഷാധികാരി എബ്രഹാം ജോൺ, ഡോ. മുഹമ്മദ്‌ സലീം ഭാട്ടി, പ്രോഗ്രാം കൺവീനർ അൻവർ നിലമ്പൂർ, നിസാർ കൊല്ലം, ട്രഷറർ എം.കെ. ബാബു എന്നിവർ സംസാരിച്ചു. ബി.എം.സി പ്രതിനിധി പ്രവീൺ കൃഷ്ണക്ക് അഹ്മദ് അൽ മുഖ്വാവി ഉപഹാരം നൽകി. സ്വാതന്ത്ര്യദിനാഘോഷത്തിന്റെ ഭാഗമായി സംഘടിപ്പിച്ച വിവിധ മത്സരങ്ങളിലെ വിജയികൾക്കുള്ള സമ്മാനദാനവും നടത്തി. ഷെമാൽ കോൺട്രാക്ടിങ് എം.ഡി സഹീർ മുഹമ്മദിനും ലുലു ബഹ്റൈനുമുള്ള ഉപഹാരം ഷിഹാബ് കറുകപുത്തൂർ സമ്മാനിച്ചു. ഓണാഘോഷ കമ്മിറ്റി കൺവീനർ അനസ് റഹീം സ്വാഗതവും സെക്രട്ടറി പി.സി. രജീഷ് നന്ദിയും പറഞ്ഞു. വിവിധ കലാപരിപാടികളും അരങ്ങേറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.