പാലക്കാട് പ്രവാസി അസോസിയേഷൻ രക്തദാന ക്യാമ്പിൽനിന്ന്
മനാമ: പാലക്കാട്ടുകാരുടെ കുടുംബ കൂട്ടായ്മയായ പാലക്കാട് പ്രവാസി അസോസിയേഷൻ,ബ്ലഡ് ഡോണേഴ്സ് കേരള ബഹ്റൈൻ ചാപ്റ്ററുമായി സഹകരിച്ച് കിങ് ഹമദ് യൂനിവേഴ്‌സിറ്റി ഹോസ്പിറ്റലിലിൽ വച്ച് മെഗാ രക്തദാന ക്യാമ്പ് സംഘടിപ്പിച്ചു. നൂറിൽപരം രക്‌തദാതാക്കൾ പങ്കെടുത്ത ചടങ്ങ് തന്റെ ഇരുപത്തഞ്ചാം രക്തദാനം നടത്തി പാലക്കാടു പ്രവാസി അസോസിയേഷൻ അംഗം ഇടത്തൊടി ഭാസ്‌കരൻ ഉദ്ഘാടനം ചെയ്തു.
ധന്യ വിനയൻ നയിച്ച ക്യാമ്പ്, കൺവീനർമാരായ സതീഷ് ,അബ്ദുൽ ഹക്കിം എന്നിവർ നിയന്ത്രിച്ചു. ഇനിയും ഇതുപോലുള്ള സാമൂഹ്യ പ്രവർത്തനങ്ങൾ നടത്താൻ കഴിയട്ടെ എന്ന് പാലക്കാട് പ്രവാസി അസോസിയേഷൻ രക്ഷാധികാരികളായ സി .ജയശങ്കർ ,ശ്രീധർ തേറമ്പിൽ ,ദീപക് മേനോൻ എന്നിവർ ആശംസിച്ചു.ബ്ലഡ് ഡോണേഴ്സ് കേരള ബഹ്റൈൻ ചാപ്റ്റർ ചെയർമാൻ കെ.ടി. സലിം മറ്റു ഭാരവാഹികളായ റോജി ജോൺ, ഫിലിപ്പ് വർഗീസ് ,സുരേഷ് പുത്തൻവിളയിൽ,ജിബിൻ,നിതിൻ,അസീസ് പള്ളം,ഗിരീഷ് ,രേഷ്‌മ സലീന,ഫാത്തിമ, പ്രവീഷ് തുടങ്ങിയവർ പങ്കെടുത്തു.കിങ് ഹമദ് യൂനിവേഴ്‌സിറ്റി ഹോസ്‌പിറ്റൽ സ്റ്റാഫ് അംഗങ്ങൾക്ക് അസോസിയേഷൻ ഭാരവാഹികൾ നന്ദി അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.