തീ​പി​ടി​ത്ത സാ​ധ്യ​ത; ജാ​ഗ്ര​ത വേ​ണം

മ​നാ​മ: വേ​ന​ൽ ക​ടു​ക്കു​ന്ന സാ​ഹ​ച​ര്യ​ത്തി​ൽ തീ​പി​ടി​ത്ത സാ​ധ്യ​ത​യു​ള്ള​തി​നാ​ൽ ജാ​ഗ്ര​ത പു​ല​ർ​ത്ത​ണ​മെ​ന്ന് ഭ​വ​ന, ന​ഗ​രാ​സൂ​ത്ര​ണ മ​ന്ത്രാ​ല​യം. സു​ര​ക്ഷ​ക്കു​വേ​ണ്ടി പു​തി​യ മാ​ർ​ഗ​നി​ർ​ദേ​ശ​ങ്ങ​ൾ മ​ന്ത്രാ​ല​യം പു​റ​ത്തി​റ​ക്കി​യി​ട്ടു​ണ്ട്. ഓ​രോ ദി​വ​സ​വും താ​പ​നി​ല ഉ​യ​രു​ക​യാ​ണെ​ന്ന​തി​നാ​ൽ ഇ​നി​യു​ള്ള ദി​വ​സ​ങ്ങ​ളി​ൽ അ​തീ​വ ശ്ര​ദ്ധ​പു​ല​ർ​ത്ത​ണ​മെ​ന്നാ​ണ് നി​ർ​ദേ​ശം. കെ​ട്ടി​ട​ങ്ങ​ളി​ലെ വ​യ​റി​ങ്ങി​ൽ പ്ര​ശ്‌​ന​ങ്ങ​ളൊ​ന്നു​മി​ല്ലെ​ന്ന് ഉ​റ​പ്പു​വ​രു​ത്ത​ണം.

ഇ​ല​ക്ട്രി​ക്ക​ൽ ക​ണ​ക്ഷ​നു​ക​ളും ഇ​ല​ക്ട്രി​ക്ക​ൽ ഡി​സ്ട്രി​ബ്യൂ​ഷ​ൻ ബോ​ർ​ഡും ഇ​ട​ക്കി​ടെ പ​രി​ശോ​ധി​ക്ക​ണം. എ​യ​ർ ക​ണ്ടീ​ഷ​ണ​റു​ക​ൾ പോ​ലു​ള്ള ഇ​ല​ക്ട്രി​ക്ക​ൽ ഉ​പ​ക​ര​ണ​ങ്ങ​ളു​ടെ ഗു​ണ​നി​ല​വാ​രം ഉ​റ​പ്പു​വ​രു​ത്തു​ക, അ​വ ന​ന്നാ​യി പ​രി​പാ​ലി​ക്ക​പ്പെ​ടു​ന്നു​ണ്ടെ​ന്നും ഇ​ല​ക്ട്രി​സി​റ്റി​യും വാ​ട്ട​ർ അ​തോ​റി​റ്റി​യും നി​ശ്ച​യി​ച്ചി​ട്ടു​ള്ള നി​യ​ന്ത്ര​ണ​ങ്ങ​ൾ പാ​ലി​ക്കു​ന്നു​ണ്ടെ​ന്നും ഉ​റ​പ്പാ​ക്കു​ക. പ​രി​ശീ​ല​നം ല​ഭി​ച്ച ഉ​ദ്യോ​ഗ​സ്ഥ​ർ വ​യ​റി​ങ്ങും കേ​ബ്ളു​ക​ളും പ​രി​ശോ​ധി​ക്ക​ണ​മെ​ന്നും മാ​ർ​ഗ​നി​ർ​ദേ​ശ​ങ്ങ​ളി​ൽ പ​റ​യു​ന്നു. ആ​വ​ശ്യ​മി​ല്ലെ​ങ്കി​ൽ ഇ​ല​ക്ട്രി​ക് എ​ക്സ്റ്റ​ൻ​ഷ​നു​ക​ൾ ഉ​പ​യോ​ഗി​ക്കു​ന്ന​ത് ഒ​ഴി​വാ​ക്ക​ണം.

ഉ​പ​യോ​ഗി​ക്കു​ക​യാ​ണെ​ങ്കി​ൽ, അ​വ ഉ​യ​ർ​ന്ന നി​ല​വാ​ര​മു​ള്ള​താ​ണെ​ന്ന് ഉ​റ​പ്പാ​ക്ക​ണം.

തീ​പി​ടി​ത്ത​മു​ണ്ടാ​യാ​ൽ ജീ​വ​ൻ ര​ക്ഷി​ക്കാ​ൻ ക​ഴി​യു​ന്ന സു​ര​ക്ഷ മു​ൻ​ക​രു​ത​ലു​ക​ളും നി​ർ​ദേ​ശി​ച്ചി​ട്ടു​ണ്ട്. സ്മോ​ക്ക് ഡി​റ്റ​ക്ട​റു​ക​ളും ഹീ​റ്റ് ഡി​റ്റ​ക്ട​റു​ക​ളും സ്ഥാ​പി​ക്കു​ക​യും അ​വ ശ​രി​യാ​യി പ്ര​വ​ർ​ത്തി​ക്കു​ന്നു​വെ​ന്ന് ഉ​റ​പ്പാ​ക്കു​ക​യും വേ​ണം.സൈ​ക്കി​ളു​ക​ൾ, മ​റ്റ് വ​സ്തു​ക്ക​ൾ എ​ന്നി​വ ഇ​ടു​ന്ന​തു​മൂ​ലം ഇ​ട​നാ​ഴി​ക​ളി​ലൂ​ടെ​യു​ള്ള സ​ഞ്ചാ​ര സ്വാ​ത​ന്ത്ര്യം ത​ട​സ്സ​പ്പെ​ട​രു​ത്. അ​ടി​യ​ന്ത​ര​ഘ​ട്ട​ങ്ങ​ളി​ൽ അ​ത് ബു​ദ്ധി​മു​ട്ടാ​ക്കും. വാ​തി​ലു​ക​ളി​ൽ അ​നാ​വ​ശ്യ പൂ​ട്ടു​ക​ൾ സ്ഥാ​പി​ക്കു​ന്ന​ത് ഒ​ഴി​വാ​ക്ക​ണം.

ഗോ​വ​ണി​യി​ലേ​ക്ക് ന​യി​ക്കു​ന്ന വാ​തി​ലു​ക​ൾ പൂ​ട്ടു​ന്ന​ത് ഒ​ഴി​വാ​ക്കു​ക, തു​ട​ങ്ങി​യ നി​ർ​ദേ​ശ​ങ്ങ​ളും ന​ൽ​കി​യി​ട്ടു​ണ്ട്.

ദാ​ർ കു​ലൈ​ബി​ൽ ഞാ​യ​റാ​ഴ്ച​യു​ണ്ടാ​യ​ത് ഉ​ൾ​പ്പെ​ടെ, ക​ഴി​ഞ്ഞ മാ​സം നി​ര​വ​ധി തീ​പി​ടി​ത്ത​ങ്ങ​ൾ ഉ​ണ്ടാ​യി. ദു​റാ​സി​ൽ തീ​പി​ടി​ത്ത​മു​ണ്ടാ​യി​രു​ന്നു. ര​ണ്ട് സം​ഭ​വ​ങ്ങ​ളും അ​ശ്ര​ദ്ധ മൂ​ല​മാ​ണെ​ന്നാ​ണ് ക​ണ്ടെ​ത്തി​യ​ത്. മേ​യ്18 ന്, ​സ​തേ​ൺ ഗ​വ​ർ​ണ​റേ​റ്റി​ലെ സ്‌​ക്രാ​പ്‌ യാ​ർ​ഡി​ൽ തീ​പി​ടി​ത്ത​ത്തെ​ത്തു​ട​ർ​ന്ന് 16 പേ​രെ ഒ​ഴി​പ്പി​ച്ചി​രു​ന്നു. 11ന്, ​അ​ൽ ലൂ​സി​യി​ലെ എ​ട്ട് നി​ല​ക​ളു​ള്ള റെ​സി​ഡ​ൻ​ഷ്യ​ൽ കെ​ട്ടി​ട​ത്തി​ലു​ണ്ടാ​യ തീ​പി​ടി​ത്ത​ത്തി​ൽ നാ​ലു പേ​ർ മ​രി​ച്ചു. സം​ഭ​വ​ത്തി​ൽ 52 പേ​രാ​ണ് ഭ​വ​ന​ര​ഹി​ത​രാ​യ​ത്.ഗ്യാ​സ് സി​ലി​ണ്ട​റു​ക​ൾ​ക്ക് തീ​പി​ടി​ക്കു​ന്ന​ത് ചൂ​ടു​കാ​ല​ത്ത് സാ​ധാ​ര​ണ​മാ​ണ്.

പ​ല​പ്പോ​ഴും ശ്ര​ദ്ധ​ക്കു​റ​വാ​ണ് അ​പ​ക​ട കാ​ര​ണ​മാ​കു​ന്ന​ത്. ഗ്യാ​സ് സി​ലി​ണ്ട​റു​ക​ൾ സ്ഥി​ര​മാ​യി പ​രി​ശോ​ധി​ക്കു​ന്ന​തും വാ​ത​ക ചോ​ർ​ച്ച ഇ​ല്ലെ​ന്ന് ഉ​റ​പ്പു​വ​രു​ത്തു​ന്ന​തും അ​പ​ക​ടം ഒ​ഴി​വാ​ക്കാ​ൻ സ​ഹാ​യി​ക്കും. അ​റ്റ​കു​റ്റ​പ്പ​ണി ആ​വ​ശ്യ​മാ​ണെ​ങ്കി​ൽ ഉ​ട​ൻ ചെ​യ്യു​ക​യാ​ണ് വേ​ണ്ട​തെ​ന്നും മു​ന്ന​റി​യി​പ്പു​ണ്ട്. ഗ്യാ​സ് സി​ലി​ണ്ട​റും പൈ​പ്പു​ക​ൾ, ഹോ​സു​ക​ളും, വാ​ൽ​വു​ക​ളും ഇ​ട​ക്കി​ടെ പ​രി​ശോ​ധി​ക്കേ​ണ്ട​ത് പ്രാ​ധാ​ന്യ​മു​ള്ള​താ​ണെ​ന്നും പ​റ​യു​ന്നു.