പ്രതിഭ വോളി ഫെസ്റ്റ് സീസൺ-3 സംഘാടക സമിതി രൂപവത്കരണം
മനാമ: പ്രതിഭ മുഹറഖ് മേഖല വർഷന്തോറും നടത്തുന്ന വോളിബാൾ മത്സരമായ വോളി ഫെസ്റ്റ് സീസൺ-3 പ്രവർത്തനങ്ങൾ വിജയിപ്പിക്കാൻ സംഘാടകസമിതി രൂപവത്കരിച്ചു.
പ്രതിഭ ഹാളിൽ ചേർന്ന യോഗത്തിൽ മേഖല സ്പോർട്സ് കമ്മിറ്റി കൺവീനർ അജീഷ് സ്വാഗതം പറഞ്ഞു. പ്രസിഡന്റ് സജീവൻ മാക്കണ്ടി അധ്യക്ഷത വഹിച്ചു.
വോളി ഫെസ്റ്റ് സീസൺ 3 യുടെ നടത്തിപ്പിനുവേണ്ട വിവിധ സബ് കമ്മിറ്റികളുടെ കൺവീനർമാരായി ഷിജു ഇ.കെ (ജനറൽ കൺവീനർ), അജീഷ് (ജോ. കൺവീനർ) ഗിരീഷ് കല്ലേരി (സാമ്പത്തികം) എൻ.കെ. അശോകൻ (വെനു & റിസപ്ഷൻ), അനിൽ കെ.പി (രജിസ്‌ട്രേഷൻ), സന്തു, ബബീഷ് വത്സരാജ് (സ്കോർ), സതീശൻ പി. (വളന്റിയർ), സതീഷ് കുമാർ (ഗതാഗതം), രാധേഷ് (ഭക്ഷണം), ബിജു കെ.പി (ട്രോഫി&മെമന്റോ), കണ്ണൻ മുഹറഖ്, ബഷീർ (സൗണ്ട് സിസ്റ്റം) സുലേഷ് (പബ്ലിസിറ്റി) എന്നിവരെ നിശ്ചയിച്ചു.
പ്രതിഭ സെക്രട്ടറി മിജോഷ് മൊറാഴ, പ്രതിഭ രക്ഷാധികാരികളായ സുരേഷ് അത്താണിക്കൽ, റാം, മേഖല കമ്മിറ്റി അംഗം എൻ.കെ. അശോകൻ സാമ്പത്തിക കൺവീനർ ഗിരീഷ് കല്ലേരി എന്നിവർ സംസാരിച്ചു. വോളി ഫെസ്റ്റ് സീസൺ-3 യുടെ ലോഗോ പ്രതിഭ സെക്രട്ടറി മിജോഷ് മൊറാഴ വോളി ഫെസ്റ്റ് ജോ. കൺവീനർ അജീഷിന് നൽകി പ്രകാശനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.