സമസ്ത ബഹ്റൈൻ മീലാദ് കാമ്പയിൻ സമാപന സമ്മേളനത്തിൽ കോഴിക്കോട് ഖാദി സയ്യിദ് മുഹമ്മദ് കോയ തങ്ങൾ ജമലുല്ലൈലി പ്രാർഥനക്ക് നേതൃത്വം നൽകുന്നു. പാണക്കാട് സയ്യിദ് ഹമീദലി ശിഹാബ് തങ്ങൾ സമീപം
മനാമ: ‘തിരുനബി (സ) സ്നേഹം, സമത്വം, സഹിഷ്ണുത’ പ്രമേയത്തിൽ സമസ്ത ബഹ്റൈൻ കേന്ദ്ര കമ്മിറ്റിയുടെ നേതൃത്വത്തിൽ പതിനാറ് ഏരിയകളിലായി രണ്ട് മാസക്കാലം നീണ്ട നിന്ന മീലാദ് കാമ്പയിൻ സമാപിച്ചു. മനാമ സമസ്ത ഓഡിറ്റോറിയത്തിൽ ജനപങ്കാളിത്തം കൊണ്ടും പ്രവാചക പ്രകീർത്തനങ്ങൾകൊണ്ടും ശ്രദ്ദേയമായ സമ്മേളനം സമസ്ത ബഹ്റൈൻ വർക്കിങ് പ്രസിഡന്റ് വി.കെ. കുഞ്ഞിമുഹമ്മദ് ഹാജിയുടെ അധ്യക്ഷതയിൽ എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങൾ ഉദ്ഘാടനം ചെയ്തു.
എസ്.വൈ.എസ് സംസ്ഥാന ജനറൽ സെക്രട്ടറിയും കോഴിക്കോട് ഖാദിയുമായ സയ്യിദ് മുഹമ്മദ് കോയ തങ്ങൾ ജമലുല്ലൈലി പ്രമേയ പ്രഭാഷണവും പ്രാർഥനയും നിർവഹിച്ചു. നസമസ്ത ബഹ്റൈൻ 2024 കലണ്ടർ പ്രകാശനം ആദ്യകോപ്പി കെ.എം.സി.സി പ്രസിഡൻറ് ഹബീബ് റഹ്മാന് നൽകി സയ്യിദ് ഹമീദലി തങ്ങൾ നിർവഹിച്ചു.
ബഹ്റൈൻതല മെംബർഷിപ് കാമ്പയിൻ ഉദ്ഘാടനം അഷ്റഫ് അൻവരി ചേലക്കരയെ ചേർത്ത് ഹമീദലി ശിഹാബ് തങ്ങൾ നിർവഹിച്ചു.ജംഇയ്യതുൽ മുഅല്ലിമീൻ പ്രസിഡൻറ് സയ്യിദ് യാസർ ജിഫ്രി തങ്ങൾ, കെ.എം.സി.സി പ്രസിഡന്റ് ഹബീബുറഹ്മാൻ, റഷീദ് ബാഖവി എടപ്പാൾ, എസ്.കെ.എസ്.എസ്.എഫ് ഓർഗനൈസിങ് സെക്രട്ടറി നവാസ് കുണ്ടറ എന്നിവർ ആശംസകൾ അർപ്പിച്ചു.
ഹസൈനാർ കളത്തിങ്ങൽ, ചെമ്പൻ ജലാൽ, മുഹമ്മദ് മുസ്‍ലിയാർ എടവണ്ണപ്പാറ, എസ്.കെ നൗഷാദ്, മജീദ് ചോലക്കോട്, ഹാഫിള് ശാഹുദ്ദീൻ മൗലവി, ഹംസ അൻവരി മോളൂർ, മുസ്തഫ കളത്തിൽ, ഷഹീം ദാരിമി, ലത്വീഫ് പയന്തോങ്ങ് തുടങ്ങിയവർ പങ്കെടുത്തു. എസ്.എം അബ്ദുൽ വാഹിദ് സ്വാഗതവും കെ.എം.എസ് മൗലവി പറവണ്ണ നന്ദിയും പറഞ്ഞു. പരിപാടിക്ക് ശേഷം എസ്.കെ.എസ്.എസ്.എഫ് ബഹ്റൈൻ വിഖായയുടെ നേതൃത്വത്തിൽ സദസ്സിലും, മനാമ സെൻട്രൽ മാർക്കറ്റിലും ഭക്ഷണവിതരണം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.