സെന്റ് പീറ്റേഴ്സ് യാക്കോബായ ഇടവക 45ാം വാർഷികാഘോഷം
മനാമ: ബഹ്റൈൻ സെന്റ് പീറ്റേഴ്സ് യാക്കോബായ സുറിയാനി പള്ളി ഇടവകയുടെ 45ാം വാർഷികാഘോഷം ഗൾഫ് എയർ ക്ലബിൽ വിപുലമായ പരിപാടികളോടെ ആഘോഷിച്ചു. ആഘോഷപരിപാടികൾക്ക് തുടക്കംകുറിച്ച് ഇടവക വികാരി ഫാ. ജോൺസ് ജോൺസൺ, ഫാ. സഞ്ജയ്‌ ബാബു, ഇടവക വൈസ് പ്രസിഡന്റ് മാത്യു വർക്കി, സെക്രട്ടറി സന്തോഷ്‌ ആൻഡ്രൂസ് ഐസക്, ട്രഷറർ ബൈജു പി.എം, ജനറൽ കൺവീനർ മനോഷ് കോര, പ്രോഗ്രാം ഡയറക്ടർ അറാഫത്‌ കടവിൽ എന്നിവർ ചേർന്ന് നിലവിളക്ക് തെളിച്ചു.
45ാം വാർഷികത്തിന്റെ ഔദ്യോഗിക ഉദ്ഘാടനം ഇടവക വികാരി ജോൺസ് ജോൺസന്റെ അധ്യക്ഷതയിൽ ചേർന്ന സമ്മേളനത്തിൽ ബഹ്റൈൻ പാർലമെന്റ് അംഗം ഡോ. ഹസൻ ഈദ് ബുക്കമാസ് നിർവഹിച്ചു. ഡോ. പി.വി. ചെറിയാൻ, ക്നാനായ ഇടവക വികാരി ഫാ. ജോർജ് സണ്ണി, ഫാ. സഞ്ജയ്‌ ബാബു, സേതു കടയ്ക്കൽ എന്നിവർ സംസാരിച്ചു. സെക്രട്ടറി സന്തോഷ്‌ ആൻഡ്രൂസ് ഐസക് സ്വാഗതവും ജനറൽ കൺവീനർ മനോഷ് കോര നന്ദിയും പറഞ്ഞു. മാനേജിങ് കമ്മിറ്റി ഭാരവാഹികളായ ബാബു മാത്യു, പ്രതീഷ് തോമസ്, ലിജോ കെ. അലക്സ്, സിബു ജോൺ, ഷാജി എം. ജോയ്, ദീപു പോൾ എന്നിവർ നേതൃത്വം നൽകി. തുടർന്ന് ആഘോഷപരിപാടികളുടെ ഭാഗമായി മ്യൂസിക്കൽ ആൻഡ് കോമഡി മെഗാ ഷോ അരങ്ങേറി. അറാഫത്‌ കടവിൽ നയിച്ച ഷോയിൽ ഹാസ്യതാരങ്ങളായ സുധീർ പറവൂർ, സമദ്, പിന്നണിഗായകരായ ഷാഫി കൊല്ലം, ശ്രീനാഥ്, മെറിൻ ഗ്രിഗറി, രഞ്ജിനി എന്നിവർ അണിനിരന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.