മനാമ: യു.എ.ഇ സന്ദർശിക്കുന്നതിനുള്ള അബൂദബി കിരീടാവകാശിയും സായുധസേന വൈസ് കമാൻഡറുമായ ശൈഖ് മുഹമ്മദ് ബിൻ സായിദ് ആൽ നഹ്യാ‍െൻറ ക്ഷണം കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫ കഴിഞ്ഞ ദിവസം ഏറ്റുവാങ്ങി. ബഹ്റൈനിലെ യു.എ.ഇ അംബാസഡർ ശൈഖ് സുൽത്താൻ ബിൻ ഹംദാൻ ബിൻ സായിദ് ആൽ നഹ്യാനാണ് ക്ഷണപത്രം കൈമാറിയത്.
ബഹ്റൈനും യു.എ.ഇയും തമ്മിലുള്ള ബന്ധവും പരസ്പര സഹകരണവും മെച്ചപ്പെടുത്താൻ പരസ്പര സന്ദർശനങ്ങൾ നിമിത്തമാകുമെന്ന് കിരീടാവകാശി പ്രതീക്ഷ പ്രകടിപ്പിച്ചു. ശൈഖ് മുഹമ്മദി‍െൻറ ആശംസകൾ കിരീടാവകാശിക്ക് അംബാസഡർ കൈമാറുകയും ചെയ്തു. കൂടിക്കാഴ്ചയിൽ ധനകാര്യ മന്ത്രി ശൈഖ് സൽമാൻ ബിൻ ഖലീഫ ആൽ ഖലീഫയും സന്നിഹിതനായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.