വോയ്‌സ് ഓഫ് ആലപ്പി സൗജന്യ ഡെന്റൽ ക്യാമ്പിൽനിന്ന്
മനാമ: വോയ്‌സ് ഓഫ് ആലപ്പി ഹമദ് ടൗൺ ഏരിയ കമ്മിറ്റിയുടെ നേതൃത്വത്തിൽ സൗജന്യ ഡെന്റൽ ക്യാമ്പ് സംഘടിപ്പിച്ചു. ബുദൈയയിലെ കിങ്‌സ് ഡെന്റൽ സെന്ററുമായി സഹകരിച്ച് സംഘടിപ്പിച്ച ക്യാമ്പിൽ കുട്ടികളും മുതിർന്നവരും ഉൾപ്പെടെ നിരവധിപേർ പങ്കെടുത്തു.
സൗജന്യ പരിശോധനകൾ കൂടാതെ ദന്ത പരിപാലനത്തെക്കുറിച്ച് ഡോക്ടർമാർ നയിച്ച ബോധവത്കരണ ക്ലാസുകളും നടന്നു. വോയ്‌സ് ഓഫ് ആലപ്പി പ്രസിഡന്റ് സിബിൻ സലിം ക്യാമ്പ് ഉദ്ഘാടനം ചെയ്‌തു. ഹമദ് ടൗൺ ഏരിയ പ്രസിഡന്റ് അനൂപ് ശശികുമാർ അധ്യക്ഷത വഹിച്ചു.
ഏരിയ സെക്രട്ടറി ഷഫീക്ക് സെയ്ദ് കുഞ്ഞ് സ്വാഗതം ആശംസിച്ചു. വൈസ് പ്രസിഡന്റ് അനസ് റഹിം, ട്രഷറർ ഗിരീഷ് കുമാർ, ജോയന്റ് സെക്രട്ടറി ജോഷി നെടുവേലിൽ, ലേഡീസ് വിങ് ചീഫ് കോഓഡിനേറ്റർ രശ്മി അനൂപ്, ഡോ. സച്ചിൻ ഷാ, ഷാഹുൽ ഹമീദ്, ഡോ. മുഹമ്മദ് ജിയാദ് എന്നിവർ സംസാരിച്ചു.
വോയ്‌സ് ഓഫ് ആലപ്പിയുടെ ഉപഹാരം കിങ്‌സ് ഡെന്റൽ സെന്ററിനുവേണ്ടി ഡോ. അഗ്‌ന ഇസ്മായിൽ ഏറ്റുവാങ്ങി. ഏരിയ കോഓഡിനേറ്ററും എക്സിക്യൂട്ടിവ് അംഗവുമായ സന്തോഷ് ബാബു നന്ദി അറിയിച്ചു.
വോയ്‌സ് ഓഫ് ആലപ്പി ഭാരവാഹികളായ ദീപക് തണൽ, സനിൽ വള്ളികുന്നം, ലിബിൻ സാമുവൽ, അജിത് കുമാർ, ലേഡീസ് വിങ് കോഓഡിനേറ്റർ ആശ സെഹ്റ, സിസിലി വിനോദ്, വിവിധ ഏരിയ ഭാരവാഹികളായ ശ്രീരാജ് രാജു, വിനേഷ് കുമാർ, ഗോകുൽ കൃഷ്ണൻ എന്നിവർ സംബന്ധിച്ചു. ഹമദ് ടൗൺ ഏരിയ ഭാരവാഹികളായ കുഞ്ഞച്ചൻ ഹരിദാസ്, മുബാഷ് അബ്ദുൽ റാഷിദ്, സാരംഗ് രമേശ്, റയ്സൺ സുരേന്ദ്രൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.