കുവൈത്ത് സിറ്റി: സ്പെയിനിലേക്ക് വിമാന സർവിസ് പുനരാരംഭിച്ച് കുവൈത്ത് എയർവേസ്. വ്യാഴം, ഞായർ ദിവസങ്ങളിലാണ് സർവിസ് ഉണ്ടാകുക.
ജൂലൈ ഒന്നുമുതലാണ് സ്പെയിൻ ഉൾപ്പെടെ 12 രാജ്യങ്ങളിലേക്ക് കുവൈത്തിൽനിന്ന് നേരിട്ടുള്ള വിമാന സർവിസിന് അനുമതി ലഭിച്ചത്.
ബോസ്നിയ ഹെർസഗോവിന, ബ്രിട്ടൻ, സ്പെയിൻ, അമേരിക്ക, നെതർലൻഡ്സ്, ഇറ്റലി, ഓസ്ട്രിയ, ഫ്രാൻസ്, കിർഗിസ്താൻ, ജർമനി, ഗ്രീസ്, സ്വിറ്റ്സർലൻഡ് എന്നീ രാജ്യങ്ങളിലേക്കാണ് നേരിട്ടുള്ള സർവിസിന് അനുമതി നൽകിയത്. കുവൈത്തിൽനിന്ന് പോകാമെങ്കിലും പ്രവേശന വിലക്ക് നിലനിൽക്കുന്നതിനാൽ വിദേശികൾക്ക് തിരിച്ചുവരവ് ഇപ്പോൾ നടക്കില്ല.
ആഗസ്റ്റ് ഒന്നുമുതൽ പ്രവേശനവിലക്ക് നീങ്ങുന്നതോടെ വിദേശികൾക്കും പ്രയോജനപ്പെടുത്താം.പ്രതിദിനം 3500 യാത്രക്കാർ എന്ന തോതിലുള്ള പ്രവർത്തനശേഷിയിലാണ് കുവൈത്ത് അന്താരാഷ്ട്ര വിമാനത്താവളം പ്രവർത്തിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.