അല്‍ഹിദായ മദ്റസ പ്രവേശനോത്സവത്തിൽനിന്ന്
കുവൈത്ത് സിറ്റി: അല്‍ഹിദായ മദ്റസ പ്രവേശനോത്സവം അബ്ബാസിയ പി.ഇ.എസ് സ്‌കൂളില്‍ വര്‍ണാഭമായ ചടങ്ങുകളോടെ നടത്തി. ജംഇയ്യത്ത് ബയാൻ ലിതഅ് രീഫിൽ ഇസ്‍ലാം ചെയര്‍മാന്‍ ഷെയ്ഖ് സൗദ് മുഹമ്മദ് മിഷാല്‍ അല്‍ ഒതൈബി ഉദ്ഘാടനം ചെയ്തു.
മുഹ്‍യദ്ദീന്‍ അല്‍ ഖാസിമി കാഞ്ഞിരപ്പള്ളി മുഖ്യപ്രഭാഷണം നടത്തി. കുട്ടികളുടെ മനഃശാസ്ത്രം എന്ന വിഷയത്തിൽ എൻജിനീയർ അഫ്സൽ അലി പേരന്റിങ് ക്ലാസെടുത്തു.
പുതുതായെത്തിയ കുരുന്നുകള്‍ക്ക് മധുരപലഹാരങ്ങളും കളിപ്പാട്ടങ്ങളും നല്‍കി അധ്യാപകര്‍ വരവേറ്റു. ദാറുൽ ഖുര്‍ആനിൽനിന്ന് നാലു വര്‍ഷത്തെ ശരീഅ കോഴ്സ് പൂര്‍ത്തിയാക്കിയ ഹാഫിള് ഹാരിസ് അല്‍ ഹാദിയെയും ലൈഫ് കോച്ച് അഫ്‌സല്‍ അലിയെയും ചടങ്ങില്‍ അനുമോദിച്ചു. മദ്റസ കമ്മിറ്റി പ്രസിഡന്റ് ഹാഫിള് ഹാരിസ് അല്‍ ഹാദി അധ്യക്ഷത വഹിച്ചു. ഫൗസിയ ജിയാസ് ഖിറാഅത്ത് നടത്തി. എൻജിനീയർ മഹറൂഫ് സ്വാഗതവും ബുഖാരി തങ്ങൾ നന്ദിയും പറഞ്ഞു. ഹാഫിള് യൂസഫ് ബാഖവി, സാദിക്ക് മന്നാനി എന്നിവര്‍ പരിപാടിക്ക് നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.