കുവൈത്ത് സിറ്റി: സി.ഐ.സി ജനറൽ സെക്രട്ടറി ഹകീം ഫൈസി ആദൃശ്ശേരിയുടെ പരാമർശത്തിൽ കുവൈത്ത് കേരള ഇസ്ലാമിക് കൗൺസിൽ (കെ.ഐ.സി)ശക്തമായ പ്രതിഷേധമറിയിച്ചു. സമസ്ത കേരള ജംഇയ്യതുൽ ഉലമ എന്ന മഹിതമായ പ്രസ്ഥാനത്തിന് എല്ലാ കാലത്തും ഉന്നത പണ്ഡിതരാണ് നേതൃത്വം വഹിച്ചിട്ടുള്ളത്. സമസ്തയെയും നേതാക്കളെയും ഇകഴ്ത്തുകയും അധിക്ഷേപിക്കുകയും ചെയ്ത നടപടി ഒരിക്കലും അംഗീകരിക്കാൻ കഴിയാത്താണ്. പ്രസ്തുത പരാമർശത്തിൽ കുവൈത്ത് കേരള ഇസ്ലാമിക് കൗൺസിൽ ശക്തമായ പ്രതിഷേധം രേഖപ്പെടുത്തുന്നതായും ചെയർമാൻ ശംസുദ്ദീൻ ഫൈസി, കേന്ദ്ര പ്രസിഡന്റ് ഗഫൂർ ഫൈസി, കേന്ദ്ര ജനറൽ സെക്രട്ടറി സൈനുൽ ആബിദ് ഫൈസി, ട്രഷറർ ഇ.എസ്. അബ്ദുറഹിമാൻ ഹാജി എന്നിവർ സംയുക്ത പ്രസ്താവനയിൽ പറഞ്ഞു. കഴിഞ്ഞ ദിവസം നടന്ന വിവാദങ്ങൾക്ക് പിറകെ ‘സമസ്തയുടെ ഡ്രൈവർ ശരിയല്ല’ എന്ന് ഹകീം ഫൈസി ആദൃശ്ശേരി പറഞ്ഞിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.