കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ് പെരുന്നാൾ നമസ്കാരം കഴിഞ്ഞ് പുറത്തിറങ്ങിയപ്പോൾ
കുവൈത്ത് സിറ്റി: കുവൈത്ത് അമീർ ശൈഖ് നവാഹ് അൽ അഹ്മദ് അൽ ജാബിർ അസ്സബാഹ് പെരുന്നാൾ നമസ്കാരം നിർവഹിച്ചത് ബിലാൽ ബിൻ റബാഹ് പള്ളിയിൽ. ഭരണകുടുംബത്തിലെ പ്രമുഖരും അദ്ദേഹത്തോടൊപ്പം ഇവിടെയെത്തി. മുൻവർഷങ്ങളിൽ രാജ്യത്തെ ഏറ്റവും വലിയ പള്ളിയായ മസ്ജിദുൽ കബീറിൽ ആണ് അമീർ ഉൾപ്പെടെ പ്രമുഖർ പെരുന്നാൾ നമസ്കാരത്തിന് എത്താറുണ്ടായിരുന്നത്. പള്ളി ഭരണകാര്യാലയ ഓഫിസിൽ പ്രമുഖ നേതാക്കൾ അമീറിന് പെരുന്നാൾ ആശംസകൾ നേർന്നു. കഴിഞ്ഞ ബലിപെരുന്നാളിനെ അപേക്ഷിച്ച് മുൻ അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹിെൻറ വിയോഗം നൊമ്പരമായി. രാജ്യത്തെ മുഴുവന്‍ ജനങ്ങള്‍ക്കും സന്തോഷത്തോടെയും സമാധാനത്തോടെയും പെരുന്നാള്‍ ആഘോഷിക്കാന്‍ സാധിക്കട്ടെയെന്ന് അമീർ ശൈഖ് നവാഹ് അൽ അഹ്മദ് അൽ ജാബിർ അസ്സബാഹ് ആശംസിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.