കുവൈത്ത് സിറ്റി: ആസ്‌ട്രേലിയയില്‍നിന്ന് 31,000 ആടുകളെ കഴിഞ്ഞ ദിവസം കുവൈത്തിലെത്തിച്ചതായി കന്നുകാലി വ്യാപാര കമ് പനി അറിയിച്ചു.
ഇതോടെ വിപണിയിൽ ആടുകള്‍ക്ക് വിലകുറയാന്‍ സാധ്യതയുണ്ട്. ഏപ്രിൽ ആദ്യവാരം ദക്ഷിണാഫ്രിക്കയില്‍നിന്ന് 53,000 ആടുകളെ എത്തിച്ചിരുന്നു.
മൊത്തം 1,15,000 ആടുകളെ രാജ്യത്തെത്തിക്കുകയാണ് കമ്പനി ലക്ഷ്യമിടുന്നതെന്ന് അല്‍ മവാസി കന്നുകാലി വാണിജ്യ കമ്പനി സി.ഇ.ഒ ഒസാമ അൽ ബുദായ് പറഞ്ഞു. ദക്ഷിണാഫ്രിക്കയില്‍നിന്ന് അടുത്ത മൂന്നുവര്‍ഷത്തില്‍ ഒാരോ വര്‍ഷവും 6,00,000 ആടുകളെ രാജ്യത്തെത്തിക്കാന്‍ പദ്ധതിയുണ്ട്.
ക്ഷാമം നേരിടാൻ അമീര്‍ ശൈഖ് സബാബ് അല്‍ അഹ്മദ് അല്‍ ജാബിര്‍ അസ്സബാഹിെൻറ പ്രത്യേക നിദേശമനുസരിച്ചാണ് കന്നുകാലികളെ രാജ്യത്തെത്തിക്കുന്നതെന്നും വിവിധ രാജ്യങ്ങളിൽനിന്ന് ഇറക്കുമതി ചെയ്ത് സ്റ്റോക്ക് വർധിപ്പിക്കുന്നത് ക്ഷാമവും വിലക്കയറ്റവും തടയാനും സഹായിക്കുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.