കുവൈത്ത് സിറ്റി: ബ്ലഡ് ഡോണേഴ്സ് കേരള കുവൈത്ത് ചാപ്റ്റർ (ബി.ഡി.കെ) വ്യാഴാഴ്ച രക്തദാനക്യാമ്പ് സംഘടിപ്പിക്കും. വ്യാഴാഴ്ച വൈകീട്ട് അഞ്ചു മുതൽ എട്ടു വരെ സെൻട്രൽ ബ്ലഡ് ബാങ്ക് ജാബ്രിയയിലാണ് ക്യാമ്പ്. അന്തരിച്ച മുൻ കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹിനോടുള്ള ആദര സൂചകമായും ഇന്ത്യയുടെ റിപ്പബ്ലിക് ദിനാഘോഷ ഭാഗമായുമാണ് ക്യാമ്പ്.
രക്തം ദാനം ചെയ്യാൻ താൽപര്യമുള്ളവർ 99811972, 90041663 നമ്പരിൽ വിളിച്ച് മുൻകൂട്ടി രജിസ്റ്റർ ചെയ്യണം. രക്തദാതാക്കൾക്ക് വാഹനസൗകര്യം ഉണ്ടാകും. രക്തദാന ക്യാമ്പുകളും ബോധവത്കരണ പരിപാടികളും സംഘടിപ്പിക്കുന്നതിനും അടിയന്തര രക്ത ആവശ്യങ്ങള്‍ക്കും ബി.ഡി.കെ കുവൈത്ത് ഘടകത്തിനെ 99811972, 90041663 നമ്പരിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.