മമ്മൂട്ടി ഫാൻസ്‌ ആൻഡ് വെൽഫെയർ അസോസിയേഷൻ ഇന്റർനാഷനൽ കുവൈത്ത് ചാപ്റ്റർ
പ്രതിനിധികൾ മെഡിക്കൽ ക്യാമ്പിന്റെ സ്പോൺസർമാർക്ക് ഉപഹാരം നൽകുന്നു
കുവൈത്ത് സിറ്റി: നടൻ മമ്മൂട്ടിയുടെ പിറന്നാളിന്റെ ഭാഗമായി മമ്മൂട്ടി ഫാൻസ്‌ ആൻഡ് വെൽഫെയർ അസോസിയേഷൻ ഇന്റർനാഷനൽ കുവൈത്ത് ചാപ്റ്റർ, മെഡ്‌ എക്സ് മെഡിക്കൽ കെയർ ആശുപത്രിയുമായി സഹകരിച്ച് സൗജന്യ മെഡിക്കൽ ക്യാമ്പും ആരോഗ്യ സെമിനാറും സംഘടിപ്പിച്ചു. ഇരുനൂറോളം പേർ പങ്കെടുത്തു.
മമ്മൂട്ടി ഫാൻസ്‌ ആൻഡ് വെൽഫെയർ അസോസിയേഷൻ ഇന്റർനാഷനൽ കുവൈത്ത് ചാപ്റ്റർ പ്രസിഡന്റ് ജോബിൻ പാലക്കൽ അധ്യക്ഷത വഹിച്ച സെമിനാർ, രക്ഷാധികാരി മനാഫ് മനു മെഡിക്കൽ ക്യാമ്പ് ഉദ്ഘാടനം ചെയ്തു. സെക്രട്ടറി നിസ്സാമുൽ ഹഖ് സ്വാഗതം ആശംസിച്ചു.
ജോയന്റ് സെക്രട്ടറി ജിതിൻ ആന്റണി നന്ദി പറഞ്ഞു. മെഡ്‌ എക്സ് മെഡിക്കൽ കെയർ ആശുപത്രിയെ പ്രതിനിധാനംചെയ്ത് ഡോ. വസീഫ്, അജ്മൽ, മാനേജ്‌മെന്റ് അംഗങ്ങളായ അജയ്കുമാർ, ഷഫീക് ഫാസിൽ, സലാം കുഞ്ഞിമോൻ എന്നിവർ സംസാരിച്ചു. എക്സിക്യൂട്ടിവ് അംഗങ്ങളായ അബ്ദുൽ കാദർ, ഉമ്മർ, ലൈജു, ജംഷീദ്, സുൽഫി, സിറാജ് എന്നിവർ നേതൃത്വം നല്‍കി.
മെഡിക്കൽ ക്യാമ്പിന്റെ മുഖ്യ സ്പോൺസർമാർ ആയ ഗ്രാൻഡ് ഹൈപ്പർ, ഗൾഫ് ഫുഡ്സ് ട്രേഡിങ്, കൊച്ചിൻ സ്റ്റുഡിയോ പ്രതിനിധികൾക്ക് ഉപഹാരം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.