ഇറാഖ് പ്രസിഡന്റ് അബ്ദുൽ ലത്തീഫ് റാഷിദ് കുവൈത്ത്
അംബാസഡർ താരീഖ് അൽ ഫറാജുമായി കൂടിക്കാഴ്ചയിൽ
കുവൈത്ത് സിറ്റി: വിദേശകാര്യ മന്ത്രി ശൈഖ് സലിം അബ്ദുല്ല അൽജാബിർ അസ്സബാഹ് ഇറാഖ് സന്ദർശിക്കും. ഇതുമായി ബന്ധപ്പെട്ട് ഇറാഖ് പ്രസിഡന്റ് അബ്ദുൽ ലത്തീഫ് റാഷിദ് ഞായറാഴ്ച കുവൈത്ത് അംബാസഡർ താരീഖ് അൽ ഫറാജുമായി ചർച്ച നടത്തി.
ഉഭയകക്ഷിബന്ധം മെച്ചപ്പെടുത്തുന്നതിനും വിവിധ പ്രശ്നങ്ങൾ പരിഹരിക്കുന്നതിനുമായി ഇരു രാജ്യങ്ങളും തമ്മിലുള്ള ഏകോപനത്തിന്റെയും സംഭാഷണത്തിന്റെയും പ്രാധാന്യം ഇരുവരും വ്യക്തമാക്കി. ഈ മാസം അവസാനത്തോടെയായിരിക്കും ശൈഖ് സലിം അബ്ദുല്ല അൽ ജാബിർ അസ്സബാഹ് ഇറാഖ് സന്ദർശനം. നേരത്തേ താരീഖ് അൽ ഫറാജ് ഇറാഖ് അംബാസഡറുമായി സന്ദർശനം ഉൾപ്പെടെയുള്ള വിഷയങ്ങൾ ചർച്ചചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.