കുവൈത്ത് സിറ്റി: ദേശീയ ദിനത്തിൽ ഫ്രാൻസിന് കുവൈത്തിന്റെ ആശംസ. കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് അഹ്മദ് നവാഫ് അൽ അഹ്മദ് അസ്സബാഹ് എന്നിവർ ഫ്രഞ്ച് പ്രസിഡന്റ് ഇമ്മാനുവെൽ മാക്രോണിന് ദേശീയ ദിനത്തിൽ ആശംസകൾ അറിയിച്ച് സന്ദേശം അയച്ചു.
പ്രസിഡന്റ് മാക്രോണിന് നല്ല ആരോഗ്യം നേർന്ന അമീർ ഫ്രാൻസിനും ജനങ്ങൾക്കും കൂടുതൽ പുരോഗതിയും സമൃദ്ധിയും ആശംസിച്ചു. കുവൈത്തും ഫ്രാൻസും തമ്മിലുള്ള പ്രത്യേക ബന്ധങ്ങളിൽ കൂടുതൽ വികസനവും വളർച്ചയും കൈവരട്ടെ എന്നും അമീർ വ്യക്തമാക്കി. കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹും പ്രധാനമന്ത്രി ശൈഖ് അഹ്മദ് നവാഫ് അൽ അഹ്മദ് അസ്സബാഹും തങ്ങളുടെ സന്ദേശങ്ങളിൽ മാക്രോണിനും ജനങ്ങൾക്കും ആശംസകൾ നേർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.