കുവൈത്ത് സിറ്റി: രാജ്യത്ത് കഴിഞ്ഞ മൂന്നുദിവസത്തിനിടെ 308 പേർ കോവിഡ് സ്ഥിരീകരിച്ച ശേഷം രോഗമുക്തി നേടി. ഞാ യറാഴ്ച മാത്രം 150 പേർ രോഗമുക്തരായി. 183 പേർക്ക് മാത്രമേ ഞായറാഴ്ച പുതുതായി കോവിഡ് സ്ഥിരീകരിച്ചുള്ളൂ എന്നതു ം ശ്രദ്ധേയമാണ്. 53 ഇന്ത്യക്കാർക്ക് മാത്രമാണ് ഞായറാഴ്ച കോവിഡ് സ്ഥിരീകരിച്ചത്.
നേരത്തെ നൂറിന് മുകളിൽ പോയിരുന്ന തോത് കുറഞ്ഞുവരുന്നത് ആശ്വാസമാണ്. വിവിധ രാജ്യങ്ങളിൽ നിന്ന് കൂട്ടത്തോടെ തിരിച്ചെത്തിക്കുന്നതിനാൽ കുവൈത്തികളായ കോവിഡ് ബാധിതർ സമീപ ദിവസങ്ങളിൽ കൂടുന്നുണ്ട്.
നിരീക്ഷണത്തിലായതിനാൽ അവർ വഴി സാമൂഹിക വ്യാപനത്തിന് സാധ്യത കുറവാണ്. രോഗമുക്തരുടെ എണ്ണം അടുത്ത ദിവസങ്ങളിലും കാര്യമായി വർധിക്കുമെന്നാണ് ആരോഗ്യ മന്ത്രാലയത്തിെൻറ വിലയിരുത്തൽ. അതേസമയം, കോവിഡ് വ്യാപനത്തിലെ നിർണായക ഘട്ടത്തിലുള്ള രാജ്യത്തിൽ അടുത്ത ദിവസങ്ങളിൽ രോഗബാധിതരുടെ എണ്ണം കാര്യമായി കൂടാതിരിക്കുകയും വേണം. 2249 പേരാണ് നിലവിൽ ചികിത്സയിലുള്ളത്. 61 പേർ തീവ്രപരിചരണ വിഭാഗത്തിലാണ്. ഇതിൽ 31 പേർക്കാണ് ഗുരുതരാവസ്ഥയുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.