ഐ.ഐ.സി കൗൺസിൽ കോൺഗ്ലാവിൽ പി.വി അബ്ദുൽ വഹാബ് സംസാരിക്കുന്നു
കുവൈത്ത് സിറ്റി: ജാതി-മത ഭേദങ്ങള്ക്കതീതമായ ഒത്തൊരുമയുടെയും ചെറുത്തു നില്പിന്റെയും സുന്ദര സ്മരണകള് ഇന്ത്യ ചരിത്രത്തിന്റെ ഭാഗമാണെന്ന് സ്വാതന്ത്ര ദിനത്തോടനുബന്ധിച്ച് ഇന്ത്യൻ ഇസ്ലാഹി സെൻറർ സംഘടിപ്പിച്ച ഐ.ഐ.സി കൗൺസിൽ കോൺഗ്ലാവ് വ്യക്തമാക്കി.
അന്ധമായ ദേശീയതയോ അകാരണമായ അന്യരാജ്യ വിരോധമോ അല്ല പ്രമാണങ്ങള് പഠിപ്പിച്ച സ്വാതന്ത്ര്യ നീതിബോധവും മര്ദിത സമൂഹത്തോടുള്ള അനുകമ്പയും കറകളഞ്ഞ ദേശ സ്നേഹവുമായിരുന്നു ഇതിൽ മുസ്ലിംകളുടെ പോരാട്ടവീര്യത്തിന്റെ പ്രേരകം. ഏകത്വം, സമത്വം, സാഹോദര്യം, സ്വാതന്ത്ര്യം എന്നിവയെല്ലാം തൗഹീദിന്റെ പ്രായോഗിക ആശയങ്ങളാണെന്നും സൂചിപ്പിച്ചു.
‘മതേതര ഇന്ത്യയിലെ മുസ്ലിം സ്വാധീനവും, ചരിത്രവും ഭാവിയും’ എന്ന വിഷയത്തിൽ പി.വി. അബ്ദുൽ വഹാബും, ‘ഇസ്ലാഹ് സമകാലിക വായന’ എന്ന വിഷയത്തിൽ അബ്ദുന്നാസർ മുട്ടിലും സംസാരിച്ചു.
റിഖഈയിലെ കുവൈത്ത് ഔക്കാഫ് ഓഡിറ്റോറിയത്തിൽ നടന്ന സംഗമത്തിൽ ഐ.ഐ.സി വൈസ് പ്രസിഡൻറ് അബ്ദുല്ലത്തീഫ് പേക്കാടൻ അധ്യക്ഷത വഹിച്ചു. ഓർഗനൈസിങ് സെക്രട്ടറി അയ്യൂബ് ഖാൻ മാങ്കാവ് സ്വാഗതവും ജനറൽ സെക്രട്ടറി അബ്ദുൽ അസീസ് സലഫി നന്ദിയും പറഞ്ഞു. അബൂബക്കർ ഖിറാഅത്ത് നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.