ഇ​സ്രാ​യേ​ലി​ന്റെ ല​ബ​നാ​ൻ ആ​ക്ര​മ​ണം; ശ​ക്ത​മാ​യി അ​പ​ല​പി​ച്ച് കു​വൈ​ത്ത് മ​ന്ത്രി​സ​ഭ

കു​വൈ​ത്ത് സി​റ്റി: നൂ​റു​ക​ണ​ക്കി​ന് ആ​ളു​ക​ളു​ടെ മ​ര​ണ​ത്തി​നും പ​രി​ക്കി​നും കാ​ര​ണ​മാ​യ ല​ബ​നാ​നി​ലെ ഇ​സ്രാ​യേ​ൽ ആ​ക്ര​മ​ണ​ത്തെ കു​വൈ​ത്ത് മ​ന്ത്രി​സ​ഭ ശ​ക്ത​മാ​യി അ​പ​ല​പി​ച്ചു. ബ​യാ​ൻ പാ​ല​സി​ൽ ചേ​ർ​ന്ന യോ​ഗ​ത്തി​ൽ പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​മ്മ​ദ് അ​സ്സ​ബാ​ഹ് അ​ധ്യ​ക്ഷ​ത വ​ഹി​ച്ചു. ഇ​സ്രാ​യേ​ൽ ന​ട​പ​ടി അ​ന്താ​രാ​ഷ്ട്ര മാ​നു​ഷി​ക നി​യ​മം ഉ​ൾ​പ്പെ​ടെ എ​ല്ലാ അ​ന്താ​രാ​ഷ്ട്ര മാ​ന​ദ​ണ്ഡ​ങ്ങ​ളു​ടെ​യും നി​യ​മ​ങ്ങ​ളു​ടെ​യും ന​ഗ്ന​മാ​യ ലം​ഘ​ന​മാ​ണെ​ന്നും മേ​ഖ​ല​യു​ടെ സ്ഥി​ര​ത​ക്കും സു​ര​ക്ഷ​ക്കും ഗു​രു​ത​ര ഭീ​ഷ​ണി​യാ​ണെ​ന്നും കാ​ബി​ന​റ്റ് ചൂ​ണ്ടി​ക്കാ​ട്ടി.

ല​ബ​നാ​നോ​ട് കു​വൈ​ത്ത് പൂ​ർ​ണ ഐ​ക്യ​ദാ​ർ​ഢ്യ​വും പി​ന്തു​ണ​യും പ്ര​ക​ടി​പ്പി​ക്കു​ന്ന​താ​യും ല​ബ​നാ​ന്റെ പ​ര​മാ​ധി​കാ​ര​ത്തെ​യും സു​സ്ഥി​ര​ത​യെ​യും തു​ര​ങ്കം വെക്കുന്ന എ​ല്ലാ ന​ട​പ​ടി​ക​ളും നി​ര​സി​ക്കു​ന്ന​താ​യും ഉ​പ​പ്ര​ധാ​ന​മ​ന്ത്രി​യും കാ​ബി​ന​റ്റ് കാ​ര്യ സ​ഹ​മ​ന്ത്രി​യു​മാ​യ ഷെ​രീ​ദ അ​ൽ മൗ​ഷ​ർ​ജി യോ​ഗ​ത്തി​ന് ശേ​ഷം പ്ര​സ്താ​വ​ന​യി​ൽ പ​റ​ഞ്ഞു.

ഇ​സ്രാ​യേ​ൽ അ​ധി​നി​വേ​ശം മൂ​ലം മേ​ഖ​ല​യി​ൽ വ​ർ​ധി​ച്ചു​വ​രു​ന്ന അ​പ​ക​ട​ത്തി​ന്റെ അ​ന​ന്ത​ര ഫ​ല​ങ്ങ​ൾ​ക്കെ​തി​രെ മ​ന്ത്രി​സ​ഭ മു​ന്ന​റി​യി​പ്പ് ന​ൽ​കി. ഗ​സ്സ​യി​ൽ ഫ​ല​സ്തീ​ൻ ജ​ന​ത​ക്കുനേ​രെ ആ​ക്ര​മ​ണം തു​ട​രു​ന്ന​തും ചൂ​ണ്ടി​ക്കാട്ടി. നി​ര​പ​രാ​ധി​ക​ൾ​ക്കെ​തി​രാ​യ ആ​ക്ര​മ​ണ​ങ്ങ​ൾ അ​വ​സാ​നി​പ്പി​ക്ക​ണ​മെ​ന്ന അ​ന്താ​രാ​ഷ്ട്ര ആ​വ​ശ്യ​ങ്ങ​ൾ ഇ​സ്രാ​യേ​ൽ മു​ഖ​വി​ല​ക്കെ​ടു​ക്കാ​ത്ത​തും സൂ​ചി​പ്പി​ച്ചു.

യു.​എ​ൻ ഉ​ച്ച​കോ​ടി​യി​ൽ കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹ് ന​ട​ത്തി​യ പ്ര​ഭാ​ഷ​ണ​ത്തെ മ​ന്ത്രി​സ​ഭ പ്ര​ശം​സി​ച്ചു. ദേ​ശീ​യ ദി​ന​ത്തി​ന്റെ 94ാം വാ​ർ​ഷി​ക​ത്തി​ൽ സൗ​ദി സ​ൽ​മാ​ൻ രാ​ജാ​വി​നും കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ൻ ബി​ൻ അ​ബ്ദു​ൽ അ​സീ​സ് അ​ൽ സൗ​ദി​നും മ​ന്ത്രി​സ​ഭ അ​ഭി​ന​ന്ദ​ന​ങ്ങ​ൾ അ​റി​യി​ച്ചു.