ജോയ് ആലുക്കാസ് എക്സ്ചേഞ്ച് സംഘടിപ്പിച്ച നേത്ര പരിശോധന ക്യാമ്പിൽ സഹകരിച്ച
പ്രതിനിധികൾക്ക് ഉപഹാരം നൽകുന്നു
കുവൈത്ത് സിറ്റി: ജോയ് ആലുക്കാസ് എക്സ്ചേഞ്ച്, ഐ പ്ലസ് ഒപ്റ്റിക്‌സുമായി ചേർന്ന് ക്രൗൺ പ്ലാസ ജീവനക്കാർക്കുവേണ്ടി വിഷൻ ഈസ് ഔർ മിഷൻ എന്നപേരിൽ നേത്ര പരിശോധന ക്യാമ്പ് സംഘടിപ്പിച്ചു. ഇരുനൂറ്റി അമ്പതോളം ജീവനക്കാർ പങ്കെടുത്തു.
ആരോഗ്യ പരിരക്ഷ, കാഴ്ചവൈകല്യം പരിഹരിക്കൽ എന്നീ ഉദ്ദേശ്യത്തോടെയാണ് ക്യാമ്പ് നടത്തിയതെന്ന് ജോയ് ആലുക്കാസ് എക്സ്ചേഞ്ച് മാനേജ്‌മെന്റ് അറിയിച്ചു. ഇതുവരെ പല കുട്ടികൾക്കും വിദേശി സ്വദേശികൾക്കും ഉൾപ്പെടെ പലഘട്ടങ്ങളിലായി ക്യാമ്പ് നടത്തി. ഇത്തരം പ്രവർത്തനം തുടരുമെന്നും അറിയിച്ചു.
ജോയ് ആലുക്കാസ് എക്സ്ചേഞ്ച് അസിസ്റ്റൻറ് ജനറൽ മാനേജർ അബ്ദുൽ അസീസ് മാട്ടുവയിൽ ഉദ്ഘാടനം ചെയ്തു. ജനറൽ മാനേജർ അഷ്‌റഫ് അലി, അസിസ്റ്റന്റ് മാർക്കറ്റിങ് മാനേജർ വിനീഷ്, നിസാം പി.പി., ജോബിൻ, നിസാം യു.കെ., ക്രൗൺ പ്ലാസ ജനറൽ മാനേജർ എലിയ സലീബ, അസിസ്റ്റന്റ് എച്ച്.ആർ മാനേജർ കരോലിൻ ലുസ്‌ട്രേ, എച്ച്.ആർ എക്സിക്യൂട്ടീവ് ഗണേഷ് കുമാർ, നേത്ര പരിശോധന സെന്ററിലെ നിധിൻ, ഫാസ്‌മി, പ്രമോദ്, എന്നിവർ പരിപാടിയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.