കെ.ഐ.ജി സാൽമിയ ഏരിയ കബദ് ഫാം റിസോർട്ടിൽ സംഘടിപ്പിച്ച ഈദ് പിക്നിക്കിൽ നിന്ന്
കുവൈത്ത് സിറ്റി: കെ.ഐ.ജി സാൽമിയ ഏരിയ ഈദ് പിക്നിക് സംഘടിപ്പിച്ചു. കബദ് ഫാം റിസോർട്ടിൽ രണ്ട് ദിവസങ്ങളിലായി നടന്ന പിക്നിക് കെ.ഐ.ജി കേന്ദ്ര കൂടിയാലോചന സമിതി അംഗം സക്കീർ ഹുസൈൻ തുവ്വൂർ ഉദ്ഘാടനം ചെയ്തു. വ്യത്യസ്തമായ കലാകായിക മത്സരങ്ങളും ഫൺ ഗെയിമുകളും ഇൻഡോർ, ഔട്ട്‌ ഡോർ ഗെയിമുകളും സംഘടിപ്പിച്ചു. കൈകൊട്ടിപ്പാട്ടും ഗ്രൂപ് അടിസ്ഥാനത്തിൽ നടന്ന വൈജ്ഞാനിക ക്വിസും പിക്നിക്ക് ആകർഷണീയമാക്കി. സ്ത്രീകൾക്കും കുട്ടികൾക്കും വെവ്വേറെ മത്സരങ്ങളും നടന്നു.
പിക്നിക് കൺവീനർ ജഹാൻ അലിയുടെ നേതൃത്വത്തിൽ വിവിധ വകുപ്പ് കൺവീനർമാരായ സലീം പതിയാരത്ത്, നാസർ പതിയാരത്ത്, അൻസാർ മാള, ഷഫീഖ് ബാവ, ആസിഫ് പാലക്കൽ, ദിൽഷാദ്, ഷാഫി, സഫ്‌വാൻ, വി.സ്. നജീബ്, അൻസാർ പറവൂർ, സലാം, ഫാറൂഖ് ശർഖി എന്നിവർ പരിപാടികൾ നിയന്ത്രിച്ചു. മത്സര വിജയികൾക്ക് കെ.ഐ.ജി സാൽമിയ ഏരിയ പ്രസിഡന്റ് റിഷ്ദിൻ അമീർ, സെക്രട്ടറി നിസാർ കെ.റഷീദ്, ആസിഫ് വി.ഖാലിദ്, ഇസ്മായിൽ വി.എം എന്നിവർ സമ്മാനങ്ങൾ വിതരണം ചെയ്തു. ജുമുഅ നമസ്കാരത്തിന് അബ്ദുൽ ഷുക്കൂർ വണ്ടൂർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.