കോട്ടയം ഡിസ്ടിക്ട് അസോസിയേഷൻ ഓണാഘോഷം ഉദ്ഘാടനം
കുവൈത്ത് സിറ്റി: കോട്ടയം ഡിസ്ടിക്ട് അസോസിയേഷൻ ഓണാഘോഷം ഹൈഡൈൻ ഓഡിറ്റോറിയത്തിൽ നടന്നു. മുതിർന്ന അംഗങ്ങളായ മോഹൻ ജോർജ്, സുരേഷ് തോമസ്, പ്രായം കുറഞ്ഞ അംഗം എൽസ ഹാരോൾഡ് എന്നിവ സംയുക്തമായി ഉദ്ഘാടനം നിർവഹിച്ചു. പ്രസിഡന്റ് ചെസ്സിൽ ചെറിയാൻ അധ്യക്ഷത വഹിച്ചു.
ഉപദേശക സമിതി അംഗങ്ങളായ മോഹൻ ജോർജ്, സണ്ണി തോമസ്, നിക്സൺ ജോർജ്, അനിൽ പി. അലക്സ്, മുൻ പ്രസിഡന്റ് സുരേഷ് തോമസ്, മഹിള വിങ് ചെയർ പേഴ്സൺ ട്രീസ ലാലിച്ചൻ, വൈസ് പ്രസിഡന്റ് ഹരി കൃഷ്‌ണൻ മോഹനൻ, മുൻ ജനറൽ സെക്രട്ടറി സിബി തോമസ് തുടങ്ങിയവർ ആശംസകൾ അർപ്പിച്ചു. ജനറൽ സെക്രട്ടറി അജിത്ത്‌ സക്കറിയ പീറ്റർ സ്വാഗതവും കൾച്ചറൽ കമ്മിറ്റി കൺവീനർ ഹാരോൾഡ് മാത്യു നന്ദിയും പറഞ്ഞു. അംഗങ്ങളുടെ ഗാന മേള, നൃത്തം, കുട്ടികൾക്കും മുതിർന്നവർക്കുമായി വിവിധ കലാ മത്സരങ്ങൾ എന്നിവ നടന്നു. വർഷവും നടത്താറുള്ള മലയാളി മങ്ക മത്സരം ശ്രദ്ധേയമായി. ജിസ്സ ഹാരോൾഡ്, പാർവതി ഹരികൃഷ്‌ണൻ, ട്രീസ്സ ലാലിച്ചൻ തുടങ്ങിയവർ തെരഞ്ഞെടുക്കപ്പെട്ടു. ഇലാന ചെസ്സിലിനെ ബാല താരമായി തെരെഞ്ഞെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.