കുവൈത്ത് സിറ്റി: കുവൈത്ത് ടൗൺ മലയാളി ക്രിസ്ത്യൻ കോൺഗ്രിഗേഷൻ (കെ.ടി.എം .സി.സി) സ്വദേശ സമ്മേളനം ജൂലൈ 19ന് ചെങ്ങന്നൂർ കൊല്ലകടവ് ഫെയ്ത്ത് ഹോമിൽ നടക്കുമെന്ന് സംഘാടകർ അറിയിച്ചു.
കുവൈത്തിൽനിന്നും സ്ഥിര താമസത്തിന് നാട്ടിലെത്തിയവരും അവധിക്ക് നാട്ടിലെത്തിയവരും സമ്മേളനത്തിൽ ഒത്തുചേരും. രാവിലെ 10ന് പരിപാടികൾ ആരംഭിക്കും. തോമസ് കെ. തോമസ് എം.എൽ എ സമ്മേളനം ഉദ്ഘാടനം ചെയ്യും. റവ. സാം ജി.കെ.സാം മുഖ്യപ്രഭാഷണം നടത്തും. ‘പ്രവാസികൾ അറിഞ്ഞിരിക്കേണ്ട നിയമങ്ങൾ’ എന്ന വിഷയത്തിൽ അഡ്വ. ജോൺ തോമസ് സംസാരിക്കും. രോഗികൾക്ക് വേണ്ടിയുള്ള പ്രത്യേക കരുതൽ സഹായ നിധിയുടെ ഉദ്ഘാടനം റവ. സി.സി. കുരുവിള നിർവഹിക്കും.
സമ്മേളനത്തിൽ പങ്കെടുക്കാൻ താൽപര്യമുള്ളവർ രജിസ്റ്റർ ചെയ്യണമെന്ന് സെക്രട്ടറി ഷിജോ തോമസും (+96599204091) കൺവീനർ പി. ജോൺ മാത്യുവും (00919446385387) അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.