കുവൈത്ത്- ഇറാഖ്-യു.എസ് നാവികസേനകൾ നടത്തിയ സംയുക്ത വെടിവെപ്പ് അഭ്യാസത്തിൽ പങ്കെടുത്ത കപ്പലുകൾ
കുവൈത്ത് സിറ്റി: സമുദ്ര സുരക്ഷയുടെ ഭാഗമായി കുവൈത്ത്- ഇറാഖ് നാവിക സേനകൾ യു.എസ് നാവികസേനയുമായി ചേർന്ന് വെടിവെപ്പ് അഭ്യാസം നടത്തി. യു.എസ് നാവികസേനയുടെ അഞ്ചാം കപ്പൽ സംയുക്ത അഭ്യാസത്തിൽ പങ്കെടുത്തു. പ്രാദേശിക സമുദ്ര സുരക്ഷ സഹകരണം ശക്തിപ്പെടുത്തുക, സഹകരണം വിപുലീകരിക്കുക തുടങ്ങിയ ലക്ഷ്യങ്ങളോടെ വടക്കൻ അറേബ്യൻ ഗൾഫ് മേഖലയിലാണ് അഭ്യാസം നടന്നത്. തത്സമയ വെടിമരുന്ന് ഷൂട്ടിങ് ഉൾപ്പെടെയുള്ളവ അഭ്യാസത്തിൽ നടന്നു. നിയന്ത്രണശേഷിയും സമുദ്ര സുരക്ഷ പ്രവർത്തനങ്ങളും പ്രാദേശിക സഹകരണവും വർധിപ്പിക്കാനും ആശയങ്ങൾ ഏകീകരിക്കാനും പങ്കെടുത്ത രാഷ്ട്രങ്ങൾ താൽപര്യം പ്രകടിപ്പിച്ചു. സംയുക്ത സുരക്ഷ സഹകരണ കരാറുകൾ പ്രകാരമായിരുന്നു സൈനികാഭ്യാസം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.