മലങ്കര സ്മാഷ് ഓപൺ ബാഡ്മിന്റൺ ടൂർണമെന്റ് പോസ്റ്റർ പ്രകാശനം ചെയ്യുന്നു
കുവൈത്ത് സിറ്റി: മലങ്കര കത്തോലിക്ക സഭാ കൂട്ടായ്മ കെ.എം.ആർ.എം യുവജനവിഭാഗമായ എം.സി.വൈ.എം കുവൈത്ത് സംഘടിപ്പിക്കുന്ന മലങ്കര സ്മാഷ് സീസൺ 3 ബാഡ്മിന്റൺ ടൂർണമെന്റിന്റെ പുതിയ ലോഗോ ബത്തേരി രൂപത അധ്യക്ഷൻ ജോസഫ് മാർ തോമസ് മെത്രാപ്പോലീത്ത ടൂർണമെന്റ് മാനേജർ റിജോ വി. ജോർജിന് നൽകി പ്രകാശനം ചെയ്തു.
സീസൺ 3 ടൂർണമെന്റ് പോസ്റ്റർ എം.സി.വൈ.എം ഡയറക്ടറും കെ.എം.ആർ.എം ആത്മീയ ഉപദേഷ്ടാവുമായ ജോൺ തുണ്ടിയത്ത് കോർ എപ്പിസ്കോപ്പ കൺവീനർ ഫിനോ മാത്യു പാട്രിക്കിന് നൽകി പ്രകാശനം നിർവഹിച്ചു. ടീസർ വിഡിയോ കെ.എം.ആർ.എം പ്രസിഡന്റ് ജോജിമോൻ തോമസ് പുറത്തിറക്കി.
എം.സി.വൈ.എം പ്രസിഡന്റ് ലിബിൻ കെ. ബെന്നി, ഭരണസമിതി അംഗങ്ങൾ, മലങ്കര സ്മാഷ് കോർ കമ്മിറ്റി അംഗങ്ങൾ എന്നിവർ ചടങ്ങിൽ സന്നിഹിതരായിരുന്നു. ഇന്റർ കെ.എം.ആർ.എം, ലോവർ ഇന്റർമീഡിയറ്റ്, ഇന്റർമീഡിയറ്റ്, അഡ്വാൻസ്‌ഡ്, അണ്ടർ 14 കാറ്റഗറികളിലാണ് മത്സരങ്ങൾ സംഘടിപ്പിക്കുക.
മത്സരങ്ങൾ സെപ്റ്റംബർ 22ന് അഹമ്മദി ഐ സ്മാഷ് അക്കാദമിയിൽ നടക്കും. രജിസ്ട്രേഷനുള്ള അവസാന തീയതി സെപ്റ്റംബർ 18. വിശദ വിവരങ്ങൾക്ക് 51536354, 60919077 നമ്പറുകളിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.