കുവൈത്ത് സിറ്റി: ഇസ്‍ലാമിക് വിമൻസ് അസോസിയേഷൻ (ഐവ) സാൽമിയയുടെ നേതൃത്വത്തിൽ മലർവാടി ബാലസംഘം കുട്ടികൾക്കായി റിപ്പബ്ലിക് ദിനാഘോഷം സംഘടിപ്പിച്ചു. മലർവാടി അമ്മാൻ യൂനിറ്റ് കോഓഡിനേറ്റർ നിഷ്മ നിയാസ് റിപ്പബ്ലിക് ദിന സന്ദേശം നൽകി. ദേശഭക്തിഗാനം, ഡാൻസ്, പാട്ട്, പ്രസംഗം, സംഘഗാനം, കഥ പറയൽ തുടങ്ങിയ വിവിധ കലാപരിപാടികൾ അവതരിപ്പിച്ചു.
മലർവാടി കേന്ദ്രതലത്തിൽ കുട്ടികൾക്കായി ഓൺലൈൻ വഴി ചാച്ചാജി ക്വിസ് മത്സരം നടത്തി. ഇതിൽ മുഴുവൻ മാർക്കോടെ ഒന്നാം സ്ഥാനം നേടിയ തസീം, യാസീൻ എന്നിവർക്ക് സമ്മാനം നൽകി. ബാസിൽ ഖിറാഅത്ത് നടത്തി. ഹനീൻ സ്വാഗതവും ആദിൽ നന്ദിയും പറഞ്ഞു. മലർവാടി ഹവല്ലി യൂനിറ്റ് കോഓഡിനേറ്റർ ഷാഹിദ ലത്തീഫ് പരിപാടികൾ നിയന്ത്രിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.