കുവൈത്ത് സിറ്റി: മലയാളം മിഷൻ കുവൈത്ത് ചാപ്റ്ററിന്‍റെ നേതൃത്വത്തിൽ നടക്കുന്ന പഠനോത്സവം വെള്ളിയാഴ്ച അബ്ബാസിയ യുനൈറ്റഡ് ഇന്ത്യൻ സ്കൂളിൽ നടക്കും. രാവിലെ 8.30ന് പരിപാടി ആരംഭിക്കും. കുവൈത്തിൽ മലയാളം മിഷന്റെ നേതൃത്വത്തിൽ ക്ലാസുകൾ നടത്തിവരുന്ന കല കുവൈത്ത്, എസ്.എം.സി.എ, ഫോക് കണ്ണൂർ, സാരഥി കുവൈത്ത്, കെ.കെ.സി.എ, എൻ.എസ്.എസ്, പാൽപക് എന്നീ മേഖലകളിൽ നിന്നുള്ള കുട്ടികളാണ് പഠനോത്സവത്തിൽ പങ്കെടുക്കുന്നത്. കണിക്കൊന്ന, സൂര്യകാന്തി, ആമ്പൽ എന്നീ ഡിപ്ലോമ കോഴ്‌സുകളിലേക്കുള്ള പഠനോത്സവമാണ് സംഘടിപ്പിച്ചിരിക്കുന്നത്. പഠനോത്സവത്തിലാകെ 1200 കുട്ടികൾ 36 ക്ലാസുകളിലായി പങ്കെടുക്കും. വെള്ളിയാഴ്ച നടക്കുന്ന പഠനോത്സവത്തിന്‍റെ ഭാഗമായി മലയാളം മിഷൻ കുവൈത്ത് ചാപ്റ്റർ നേതൃത്വത്തിൽ രൂപവത്കരിച്ചിട്ടുള്ള വിവിധ കമ്മിറ്റികൾ പ്രവർത്തനങ്ങൾ നടത്തിവരുന്നുവെന്ന് മലയാളം മിഷൻ കുവൈത്ത് ചാപ്റ്റർ പ്രസിഡന്‍റ് സനൽ കുമാറും സെക്രട്ടറി ജെ.സജിയും അറിയിച്ചു. മലയാളം മിഷൻ അധ്യാപകൻ സതീഷിന്റെ നേതൃത്വത്തിൽ വിവിധ ഘട്ടങ്ങളായി പഠനോത്സവത്തിന് ആവശ്യമായ പരിശീലനം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.