കുവൈത്ത് സിറ്റി: ഇന്ത്യയുടെ 75ാം സ്വാതന്ത്ര്യദിനാഘോഷവുമായി ബന്ധപ്പെട്ട് വിവിധ പരിപാടികളുമായി മെട്രോ മെഡിക്കൽ കെയർ. 75ാം സ്വാതന്ത്ര്യദിനാഘോഷം, ഇന്ത്യ–കുവൈത്ത് നയതന്ത്ര ബന്ധത്തിെൻറ 60ാം വാർഷികം എന്നിവയോടനുബന്ധിച്ച് ഇന്ത്യൻ എംബസിയുടെ ആഭിമുഖ്യത്തിൽ നടത്തുന്ന ബസ് പ്രമോഷൻ കാമ്പയിനിൽ മറ്റു വിവിധ വ്യവസായ സ്ഥാപനങ്ങളെ പോലെ മെട്രോ മെഡിക്കൽ കെയറും സഹകരിച്ചു. ഇന്ത്യൻ ത്രിവർണ പതാകയോടൊപ്പം മെട്രോ മെഡിക്കൽ ഗ്രൂപ് ലോഗോ കൂടി ഉൾപ്പെടുത്തിയുള്ള ബസുകൾ കുവൈത്തിലെ നിരത്തുകളിൽ ഒാടുന്നു. എംബസി പ്രഖ്യാപിച്ച കാമ്പയിനിൽ 100 ബസുകളാണ് സ്വാതന്ത്ര്യദിനാഘോഷം, ഇന്ത്യ–കുവൈത്ത് നയതന്ത്രബന്ധത്തിെൻറ 60ാം വാർഷികം എന്നിവയുടെ സന്ദേശം പതിച്ച് മൂന്നാഴ്ച നിരത്തിലോടുന്നത്.
മെട്രോ മെഡിക്കൽ ഗ്രൂപ്പിെൻറ സാൽമിയയിലെ സൂപ്പർ മെട്രോ സ്പെഷലൈസ്ഡ് മെഡിക്കൽ സെൻറർ ഇന്ത്യൻ ദേശീയപതാകയുടെ നിറങ്ങളാൽ അലംകൃതമാക്കിയും 75ാം സ്വാതന്ത്ര്യദിനത്തിെൻറ സ്മരണയിൽ ഏഴര ദീനാറിെൻറ പ്രത്യേക ആരോഗ്യ പാക്കേജ് പ്രഖ്യാപിച്ചും മെട്രോ ദേശീയ വികാരത്തിനൊപ്പമുണ്ട്. കുവൈത്തിലെ ഇന്ത്യൻ സ്ഥാനപതി സിബി ജോർജ് നേതൃത്വം നൽകുന്ന എല്ലാ സദുദ്ദേശ്യ സംരംഭങ്ങളുമായും മെട്രോ ഗ്രൂപ്പിെൻറ സഹകരണം ഉണ്ടാകുമെന്ന് മാനേജ്മെൻറ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.