ഖത്തർ ദേശീയ ദിനാഘോഷത്തോടനുബന്ധിച്ച് സൂഖ് മുബാറകിയയിൽ ഖത്തർ പതാക അലങ്കരിച്ചിരിക്കുന്നു
കുവൈത്ത് സിറ്റി: അധികാരമേറ്റതിെൻറ വാർഷികവും ഖത്തർ ദേശീയ ദിനാഘോഷവുമായി ബന്ധപ്പെട്ട് ഖത്തർ അമീർ ശൈഖ് തമീം ബിൻ ഹമദ് അൽ അൽതാനിയെ കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ് അഭിനന്ദിച്ചു. വിവിധ മേഖലകളിൽ ശ്രദ്ധേയമായ പുരോഗതി കൈവരിക്കാൻ ശൈഖ് തമീമിന് കീഴിൽ ഖത്തറിന് കഴിഞ്ഞിട്ടുണ്ടെന്നും ആരോഗ്യത്തോടെ കൂടുതൽ കാലം രാജ്യത്തെ നയിക്കാൻ അദ്ദേഹത്തിന് കഴിയട്ടെയെന്നും അമീർ ആശംസിച്ചു.
കിരീടാവകാശി ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹ് എന്നിവരും ഖത്തറിനെ അഭിനന്ദിക്കുകയും ആശംസ അറിയിക്കുകയും ചെയ്തു. ഖത്തർ ദേശീയ ദിനാഘോഷത്തോടനുബന്ധിച്ച് സൂഖ് മുബാറകിയ, പ്രധാന റോഡുകൾ എന്നിവിടങ്ങളിൽ ഖത്തർ പതാക അലങ്കരിച്ചു. കുവൈത്ത് ടവറിലും ഖത്തർ പതാകയുടെ നിറമണിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.