ഒ.ഐ.സി.സി സ്വീകരണ യോഗത്തിൽ ഡോ. ശശി തരൂർ എം.പി സംസാരിക്കുന്നു
കുവൈത്ത് സിറ്റി: ഡോ. ശശി തരൂർ എം.പിക്ക് ഒ.ഐ.സി.സി നാഷനൽ കമ്മിറ്റി സ്വീകരണം നൽകി. ശുവൈഖ് ഫ്രീ ട്രേഡ് സോണിലെ കൺവെൻഷൻ സെന്ററിൽ സംഘടിപ്പിച്ച സ്വീകരണയോഗത്തിൽ ഒ.ഐ.സി.സി നാഷനൽ പ്രസിഡന്റ് വർഗീസ് പുതുക്കുളങ്ങര അധ്യക്ഷത വഹിച്ചു.
മുൻ കെ.പി.സി.സി മിഡിൽ ഈസ്റ്റ്‌ ഡിജിറ്റൽ മീഡിയ കൺവീനർ ഇക്ബാൽ പൊക്കുന്ന് ആശംസകൾ അറിയിച്ചു. ശശി തരൂരിന് നാഷനൽ കമ്മിറ്റിയുടെയുടെ ഉപഹാരം പ്രസിഡന്റ് വർഗീസ് പുതുക്കുളങ്ങരയും ഇക്ബാൽ പൊക്കുന്നിന് സെക്രട്ടറി നിസ്സാം തിരുവനന്തപുരവും കൈമാറി.
ശശി തരൂരിന്റെ കാരികേച്ചർ യൂത്ത് വിങ് ആലപ്പുഴ മെംബർ സാം മാത്യു സമ്മാനിച്ചു. സംഘടന ജനറൽ സെക്രട്ടറി ബി.എസ്. പിള്ള സ്വാഗതവും പ്രോഗ്രാം ജനറൽ കൺവീനർ ബിനു ചെമ്പാലയം നന്ദിയും പറഞ്ഞു. സെക്രട്ടറി സുരേഷ് മാത്തൂർ ഏകോപനം നടത്തി.
നാഷനൽ കമ്മിറ്റി ഭാരവാഹികളായ സാമൂവൽ ചാക്കോ കാട്ടൂർ കളിക്കൽ, വർഗീസ് ജോസഫ് മാരാമൺ, ജോയ് ജോൺ തുരുത്തിക്കര, ജോയ് കരവാളൂർ, റിഷി ജേക്കബ് എന്നിവർ വേദിയിൽ സന്നിഹിതരായിരുന്നു. ഒ.ഐ.സി.സി ജില്ല ഭാരവാഹികൾ, പോഷക സംഘടന പ്രതിനിധികൾ, വനിത വിഭാഗം പ്രവർത്തകർ തുടങ്ങി നിരവധി പേർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.