ലുലു ഹൈപ്പർ മാർക്കറ്റ് അൽ വസാൻ, ബയാറ എന്നിവയുടെ സഹകരണത്തോടെ സംഘടിപ്പിച്ച വടംവലി മത്സരത്തിൽ ജേതാക്കളായ കെ.കെ.ബി കുവൈത്ത് ടീം
കുവൈത്ത് സിറ്റി: ഓണാഘോഷ ഭാഗമായി ലുലു ഹൈപ്പർ മാർക്കറ്റിൽ വിവിധ പരിപാടികളും മത്സരങ്ങളും സംഘടിപ്പിച്ചു. അൽറായി ഔട്ട്‍ലറ്റിൽ സംഘടിപ്പിച്ച വടംവലി ആവേശകരമായി. 10 ടീമുകൾ പങ്കെടുത്ത മത്സരത്തിൽ വാശിയേറിയ പോരാട്ടം നടന്നു.
മത്സരത്തിൽ കെ.കെ.ബി കുവൈത്ത് ജേതാക്കളായി. ആഹ കുവൈത്ത് ബ്രദേഴ്സ് രണ്ടാം സ്ഥാനവും ടീം ഫ്രണ്ട്സ് ഓഫ് കുവൈത്ത് മൂന്നാമതുമെത്തി. ജേതാക്കൾക്ക് 250 ദീനാറും ട്രോഫിയും രണ്ടാം സ്ഥാനക്കാർക്ക് 150 ദീനാറും ട്രോഫിയും മൂന്നാം സ്ഥാനക്കാർക്ക് 100 ദീനാറും ട്രോഫിയും സമ്മാനമായി നൽകി. അൽ വസാൻ, ബയാറ എന്നിവയുടെ സഹകരണത്തോടെയാണ് വടംവലി സംഘടിപ്പിച്ചത്.
വിജയികൾക്ക് ലുലു ഗ്രൂപ്, അൽ വസാൻ, ബയാറ മാനേജ്മെന്റ് അംഗങ്ങൾ ട്രോഫിയും കാഷ് പ്രൈസും വിതരണം ചെയ്തു. ആഹ കുവൈത്ത് ബ്രദേഴ്സ്, കെ.കെ.ഡി.എ, ചലഞ്ചേഴ്സ്, സിൽവർസ്ക്രീൻ, കെ.കെ.ബി, ഫ്രണ്ട്സ് കുവൈത്ത്, അബ്ബാസിയ, ഫ്രണ്ട്സ് ഓഫ് രാജേഷ്, റെഡ് സ്റ്റാർ കുവൈത്ത്, ഇടുക്കി അസോസിയേഷൻ കുവൈത്ത് എന്നീ ടീമുകൾ മത്സരത്തിൽ അണിനിരന്നു. പങ്കെടുത്ത എല്ലാ ടീമുകൾക്കും ട്രോഫി വിതരണം ചെയ്തു. ലുലു ഹൈപ്പർ മാർക്കറ്റിൽ ഈ മാസം ആറിന് ആരംഭിച്ച ഓണം പ്രമോഷൻ 13 വരെ തുടരും.
വടംവലി മത്സരത്തിൽനിന്ന്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.