മിൻഹ അബൂബക്കർ, ഫാത്തിമ ഹിബ, മിന്ന അബ്ദുൽ റസാഖ്
കുവൈത്ത് സിറ്റി: സമസ്ത കേരള ഇസ്‌ലാം മത വിദ്യാഭ്യാസ ബോർഡ് നടത്തിയ പൊതു പരീക്ഷയിൽ കുവൈത്ത് കേരള ഇസ്‌ലാമിക് കൗൺസിലിന് കീഴിൽ പ്രവർത്തിക്കുന്ന മദ്റസകൾക്ക് മികച്ച വിജയം. അബ്ബാസിയ ദാറുത്തർബിയ, ഫഹാഹീൽ ദാറു തഅലീമുൽ ഖുർആൻ, സാൽമിയ മദ്റസത്തുന്നൂർ എന്നീ സ്ഥാപനങ്ങളിലെ അഞ്ച്, ഏഴ്, പത്ത് ക്ലാസുകളിലെ വിദ്യാർഥികളാണ് ഉന്നത വിജയം നേടിയത്.
അഞ്ചാം തരത്തില്‍ ഫഹാഹീൽ ദാറുതഅലീമുൽ ഖുർആൻ മദ്റസയിലെ മിൻഹ അബൂബക്കർ ഒന്നാം സ്ഥാനവും ഇസ്മായിൽ റാസി രണ്ടാം സ്ഥാനവും അബ്ബാസിയ ദാറുത്തർബിയ മദ്റസയിലെ മുഹമ്മദ് മുഹ്സിൻ മൂന്നാം സ്ഥാനവും കരസ്ഥമാക്കി.
ഏഴാം ക്ലാസിൽ ഫഹാഹീൽ മദ്റസയിലെ ഫാത്തിമ ഹിബ ടോപ് പ്ലസോടെ ഒന്നാം സ്ഥാനം നേടി. അബ്ബാസിയ മദ്റസയിലെ നേഹ നവാസ് രണ്ടാം സ്ഥാനവും മുഹമ്മദ് നസൽ മൂന്നാം സ്ഥാനവും കരസ്ഥമാക്കി. പത്താം തരത്തില്‍ അബ്ബാസിയ മദ്റസയിലെ മിന്ന അബ്ദുൽ റസാഖ് ഒന്നാം സ്ഥാനവും ഐഷ മണാൽ രണ്ടാം സ്ഥാനവും ഐഷ ഫാത്തിമ മൂന്നാം സ്ഥാനവും നേടി. പ്രതിസന്ധി ഘട്ടങ്ങളിലും ഓണ്‍ലൈനായി നടന്ന പരീക്ഷയില്‍ ഉന്നത വിജയം നേടിയ വിദ്യാർഥികളെയും അതിന് അവരെ പ്രാപ്തരാക്കിയ ഉസ്താദുമാരെയും രക്ഷിതാക്കളെയും കെ.ഐ.സി കേന്ദ്ര കമ്മിറ്റിയും വിദ്യഭ്യാസ വിഭാഗവും വിവിധ മദ്റസ മാനേജ്മെൻറ് കമ്മിറ്റി ഭാരവാഹികളും അഭിനന്ദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.