ഫഹാഹീലിൽ സൂപ്പര്‍ മെട്രോ സ്‌പെഷലൈസ്ഡ് മെഡിക്കല്‍ സെന്റര്‍ ഉന്നത വ്യക്തിത്വങ്ങൾ ചേർന്ന് ഉദ്ഘാടനം ചെയ്യുന്നു
കുവൈത്ത് സിറ്റി: മെട്രോ മെഡിക്കല്‍ ഗ്രൂപ്പിന്റെ നാലാമത്തെ ശാഖ സൂപ്പര്‍ മെട്രോ സ്‌പെഷലൈസ്ഡ് മെഡിക്കല്‍ സെന്റര്‍ ഫഹാഹീല്‍ മക്ക സ്ട്രീറ്റില്‍ മംഗഫ് സിഗ്‌നലിനടുത്ത് തുറന്നു പ്രവര്‍ത്തനമാരംഭിച്ചു.
വിവിധ രാഷ്ട്ര പ്രതിനിധികളും കുവൈത്ത് സർക്കാർ പ്രതിനിധികളും സാമൂഹിക സാംസ്‌കാരിക രംഗത്തെ നേതാക്കളും ഉള്‍പ്പെടെ 54 പ്രമുഖ വ്യക്തിത്വങ്ങള്‍ ചേര്‍ന്ന് ഉദ്ഘാടനം ചെയ്തു. ആയിരങ്ങളുടെ സാന്നിധ്യംകൊണ്ട് ഉദ്ഘാടന ചടങ്ങ് അവിസ്മരണീയമായി. ഉദ്ഘാടന ഭാഗമായി വിവിധ രാജ്യങ്ങളുടെയും ഇന്ത്യയിലെ വിവിധ സംസ്ഥാനങ്ങളിലെയും വൈവിധ്യമാര്‍ന്ന കലാരൂപങ്ങളും അരങ്ങേറി.
മെട്രോ മെഡിക്കല്‍ ഗ്രൂപ് ചെയര്‍മാനും സി.ഇ.ഒയുമായ മുസ്തഫ ഹംസ സദസ്സിനെ അഭിസംബോധന ചെയ്യുന്നു
ചടങ്ങിൽ മറ്റു മാനേജിങ് പാര്‍ട്ണര്‍മാരും വിവിധ ശാഖകളുടെ കുവൈത്തി സ്‌പോണ്‍സര്‍മാരും ജീവനക്കാരും പങ്കെടുത്തു. ഉദ്ഘാടന വേളയില്‍ സന്നിഹിതരായവർക്കെല്ലാം ഭക്ഷണവിരുന്ന് നല്‍കി.
ഉദ്ഘാടനത്തോടനുബന്ധിച്ച് മൂന്നു മാസത്തെ സൗജന്യ ഡോക്ടർ കണ്‍സൽട്ടേഷന്‍, എല്ലാ തുടര്‍ചികിത്സകള്‍ക്കും 40 ശതമാനം ഡിസ്‌കൗണ്ട്, പത്തു ദീനാറിന് ഫുള്‍ ബോഡി ചെക്കപ്പ് തുടങ്ങിയ പ്രത്യേക പാക്കേജുകള്‍ ഏര്‍പ്പെടുത്തിയതായി മെട്രോ മാനേജ്‌മെന്റ് അറിയിച്ചു.
സൂപ്പര്‍ മെട്രോ സ്‌പെഷലൈസ്ഡ് മെഡിക്കല്‍ സെന്റര്‍ ഉദ്ഘാടന
ഭാഗമായി കേക്ക് മുറിക്കുന്നു
വിവിധ വിഭാഗങ്ങളിലായി പ്രശസ്തരും നാലുപതിറ്റാണ്ടോളം പ്രവര്‍ത്തനപരിചയവുമുള്ള 25ഓളം ഡോക്ടര്‍മാരുടെയും സേവനം ഉദ്ഘാടനദിവസം മുതല്‍ ലഭ്യമാക്കിയതായി മെട്രോ മെഡിക്കല്‍ ഗ്രൂപ് ചെയര്‍മാനും സി.ഇ.ഒയുമായ മുസ്തഫ ഹംസ അറിയിച്ചു. ക്ലിനിക്കിൽ വരുന്നവരുടെ സൗകര്യാർഥം മുന്‍വശത്തും പിന്‍വശത്തും പ്രത്യേക പാര്‍ക്കിങ് സൗകര്യം ഏര്‍പ്പെടുത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.