അമേരിക്കൻ വൈസ് പ്രസിഡൻറ് കമല ഹാരിസ്, കുവൈത്ത് കിരീടാവകാശി ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹ്
കുവൈത്ത് സിറ്റി: അമേരിക്കൻ വൈസ് പ്രസിഡൻറ് കമല ഹാരിസ് കുവൈത്ത് കിരീടാവകാശി ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹിനെ ഫോണിൽ വിളിച്ചു. അമേരിക്കൻ പൗരന്മാരെ സുരക്ഷിതമായി അഫ്ഗാനിസ്താനിൽനിന്ന് കൊണ്ടുവരുന്നതിന് കുവൈത്ത് നൽകിയ സഹായത്തിന് അവർ നന്ദി അറിയിച്ചു.
അഫ്ഗാനിൽനിന്ന് വലിയതോതിലുള്ള രക്ഷപ്പെടുത്തൽ വിജയകരമായി പൂർത്തിയാക്കിയതിന് അമേരിക്കയെ ശൈഖ് മിശ്അൽ അഭിനന്ദിച്ചു.
കാബൂളിൽ ഭീകരാക്രമണത്തിൽ അമേരിക്കൻ സൈനികർ കൊല്ലപ്പെട്ടതിൽ അദ്ദേഹം അനുശോചിച്ചു.
കഴിഞ്ഞ ദിവസം കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹും അമേരിക്കൻ പ്രസിഡൻറ് ജോസഫ് ബൈഡനും ഫോണിൽ സംസാരിച്ചിരുന്നു. അമീർ അമേരിക്കൻ പ്രസിഡൻറിനെ കുവൈത്ത് സന്ദർശനത്തിന് ക്ഷണിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.