കുവൈത്ത് സിറ്റി: കുവൈത്ത് ക്രൗൺ പ്രിൻസ് കപ്പ് ഫുട്ബാൾ ടൂർണമെൻറ് ഫൈനൽ ചൊവ്വാഴ്ച നടക്കും. ചൊവ്വാഴ്ച രാത്രി ഏഴിന് നടക്കുന്ന മത്സരത്തിൽ ഖാദിസിയയും കുവൈത്ത് സ്പോർട്സ് ക്ലബും ഏറ്റുമുട്ടും. ശൈഖ് ജാബിർ സ്റ്റേഡിയത്തിൽ നടക്കുന്ന ഫൈനലിെൻറ ഉദ്ഘാടന ചടങ്ങിൽ അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹിനെയും കിരീടാവകാശി ശൈഖ് മിശ്അൽ അൽ അഹ്മദ് അസ്സബാഹിനെയും പ്രതിനിധാനംചെയ്ത് സ്പോർട്സ്, വാർത്താവിനിമയ മന്ത്രി അബ്ദുറഹ്മാൻ അൽ മുതൈരി പെങ്കടുക്കും. സെമി ഫൈനലിൽ ഖാദിസിയ ഏകപക്ഷീയമായ രണ്ട് ഗോളിന് തദാമുനിനെയും കുവൈത്ത് സ്പോർട്സ് ക്ലബ് എതിരില്ലാത്ത രണ്ട് ഗോളിന് ബുർഗാനെയുമാണ് കീഴടക്കിയത്. കുവൈത്തിലെ പ്രമുഖ ആഭ്യന്തര ഫുട്ബാൾ ടൂർണമെൻറുകളിലൊന്നാണ് ക്രൗൺ പ്രിൻസ് കപ്പ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.