കുവൈത്ത് സിറ്റി: കുവൈത്തിലെ സാമൂഹിക രംഗങ്ങളിലെ നിറസാന്നിധ്യവും ചാരിറ്റി പ്രവർത്തകനും എം.ഇ.എസ് കുവൈത്ത് സീനിയർ അംഗവുമായ ഉസ്മാൻ കോയ ഒജിന്റകത്തിന് എം.ഇ.എസ് കുവൈത്ത് കമ്മിറ്റി യാത്രയയപ്പ് നല്‍കി. എം.ഇ.എസ് കുവൈത്തിന്റെ എല്ലാ പ്രവത്തനങ്ങളിലും മുൻനിരയിലുള്ള അദ്ദേഹത്തിന്റെ പ്രവർത്തന ശൈലിയും എളിമയും അനുകരണീയമാണെന്ന് പ്രസിഡന്റ് മുഹമ്മദ് റാഫി പറഞ്ഞു. ജനറൽ സെക്രട്ടറി അഷറഫ് ആയൂർ സ്വാഗത പ്രസംഗം നടത്തി. വൈസ് പ്രസിഡന്റ് ഖലീൽ അടൂർ, ട്രഷറർ പി.ടി.അഷറഫ്, എക്സിക്യൂട്ടിവ് മെംബർമാരായ ടി.വി. അർഷാദ്, റമീസ് സലേഹ്, അബ്ദുൽ ഗഫൂർ, ഫിറോസ് കുളങ്ങര, മുജീബ്, എം.എം. ഷഹീർ എന്നിവരും ഓൺലൈനായി മുൻ പ്രസിഡന്റ് സാദിഖ് അലി, സലേഹ് ബാത്ത എന്നിവരും ആശംസകള്‍ നേര്‍ന്നു. എം.ഇ.എസ് സ്‌നേഹ ഉപഹാരം പ്രസിഡന്റ് മുഹമ്മദ് റാഫി ഉസ്മാൻ കോയക്ക് സമ്മാനിച്ചു. ഉസ്മാൻ കോയ മറുപടി പ്രസംഗം നടത്തി. റമീസ് സലേഹ ഖിറാഅത്ത് നടത്തി. എം.എം. സഹീർ നന്ദി പറഞ്ഞു. റയീസ് സലേഹ്, മുജീബ്, ഷഹീർ അബ്ദുൽ ഗഫൂർ, ഫിറോസ്, അർഷാദ് എന്നിവര്‍ നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.