ലോ​ക​ക​പ്പ് യോ​ഗ്യ​ത മ​ത്സ​രം; കു​വൈ​ത്തി​ന് വീ​ണ്ടും സ​മ​നി​ല

കു​വൈ​ത്ത് സി​റ്റി: ലോ​ക​ക​പ്പ് യോ​ഗ്യ​താ ഫു​ട്ബാ​ൾ മ​ത്സ​ര​ത്തി​ൽ കു​വൈ​ത്തി​ന് വീ​ണ്ടും സ​മ​നി​ല. ക​ഴി​ഞ്ഞ ദി​വ​സം ബ​സ​റ​യി​ൽ ന​ട​ന്ന മ​ത്സ​ര​ത്തി​ൽ ഇ​റാ​ഖു​മാ​യി കു​വൈ​ത്ത് 2-2 സ​മ​നി​ല​യി​ൽ പി​രി​ഞ്ഞു.

ര​ണ്ടു ഗോ​ൾ നേ​ടി വി​ജ​യ​ത്തി​ലേ​ക്ക് നീ​ങ്ങി​യ കു​വൈ​ത്തി​നെ അ​വ​സാ​ന നി​മി​ഷം ഞെ​ട്ടി​ച്ചാ​ണ് ഇ​റാ​ഖ് സ​മ​നി​ല നേ​ടി​യെ​ടു​ത്ത​ത്. ഇ​റാ​ഖി​ലെ ബ​സ​റ അ​ന്താ​രാ​ഷ്ട്ര സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ ഉ​ജ്ജ്വല പ്ര​ക​ട​മാ​ണ് കു​വൈ​ത്ത് പു​റ​ത്തെ​ടു​ത്ത​ത്.

39,70 മി​നു​റ്റു​ക​ളി​ലാ​യി യൂ​സു​ഫ് നാ​സ​ർ ഇ​ര​ട്ട ഗോ​ളു​ക​ൾ നേ​ടി കു​വൈ​ത്തി​നെ മു​ന്നി​ലെ​ത്തി​ച്ചു. മ​ത്സ​രം അ​വ​സാ​നി​ക്കാ​നി​രി​ക്കെ കു​വൈ​ത്തി​നെ ഞെ​ട്ടി​ച്ച് ഇ​ഞ്ച്വ​റി ടൈ​മി​ന്റെ മൂ​ന്നാം മി​നിറ്റി​ൽ (90+3) അ​കം ഹാ​ഷിം ഇ​റാ​ഖി​നാ​യി ആ​ദ്യ​ഗോ​ൾ നേ​ടി.

ഇ​തി​ന്റെ ഞെ​ട്ട​ലി​ൽ​നി​ന്ന് മു​ക്ത​മാ​കു​ന്ന​തി​നു​മു​മ്പേ ഇ​ബ്രാ​ഹിം ബ​യേ​ഷി​ലൂ​ടെ (90+11) ര​ണ്ടാം ഗോ​ളും നേ​ടി ഇ​റാ​ഖ് സ​മ​നി​ല പി​ടി​ച്ചു.ഇ​തോ​ടെ കു​വൈ​ത്തി​ന് വി​ല​പ്പെ​ട്ട ര​ണ്ടു പോ​യ​ന്റ് ന​ഷ​ട​പ്പെ​ട്ടു. മൂ​ന്നു മ​ത്സ​ര​ങ്ങ​ൾ ശേ​ഷി​ക്കേ കു​വൈ​ത്തി​ന് നി​ല​വി​ൽ അ​ഞ്ചു​പോ​യ​ന്റാ​ണു​ള്ള​ത്.

ദ​ക്ഷി​ണ കൊ​റി​യ (15), ജോ​ർ​ഡ​ൻ (12), ഇ​റാ​ഖ് (12), ഒ​മാ​ൻ (7),കു​വൈ​ത്ത് (5), ഫ​ല​സ്തീ​ൻ (3) എ​ന്നി​ങ്ങ​നെ​യാ​ണ് കു​വൈ​ത്ത് ഉ​ൾ​പ്പെ​ട്ട ബി ​ഗ്രൂ​പ്പി​ലെ പോ​യ​ന്റു നി​ല. ഗ്രൂ​പ്പി​ൽ​നി​ന്നും ആ​ദ്യ ര​ണ്ട്​ സ്ഥാ​ന​ങ്ങ​ളി​ൽ​വ​രു​ന്ന​വ​ർ നേ​രി​ട്ട്​ ലോ​ക​ക​പ്പി​ന്​ യോ​ഗ്യ​ത നേ​ടും. മൂ​ന്നും നാ​ലും സ്ഥാ​ന​ക്കാ​ർ നാ​ലാം റൗ​ണ്ടി​ലേ​ക്ക് ക​ട​ക്കും.

ഇ​തി​നാ​ൽ കു​വൈ​ത്തി​ന് വ​രു​ന്ന മ​ത്സ​ര​ങ്ങ​ൾ നി​ർ​ണാ​യ​ക​മാ​ണ്. ഈ ​മാ​സം 25ന് ​ജാ​ബി​ർ സ്റ്റേ​ഡി​യ​ത്തി​ൽ ഒ​മാ​നെ​തി​രെ​യാ​ണ് കു​വൈ​ത്തി​ന്റെ അ​ടു​ത്ത മ​ൽ​സ​രം. ജൂ​ൺ അ​ഞ്ചി​ന് ഫ​ല​സ്തീ​ൻ, 10ന് ​ദ​ക്ഷി​ണ കൊ​റി​യ എ​ന്നി​വ​യാ​ണ് അ​ടു​ത്ത എ​തി​രാ​ളി​ക​ൾ.