യൂത്ത് ഇന്ത്യ കുവൈത്ത് നീന്തല്‍ മത്സരജേതാക്കളും സംഘാടകരും
കുവൈത്ത് സിറ്റി: യൂത്ത് ഇന്ത്യ കുവൈത്ത് നീന്തൽ മത്സരത്തിൽ ആവേശകരമായ പങ്കാളിത്തം. ജംഇയ്യത്തുല്‍ ഇസ്‍ലാഹ് റൗദയില്‍ നടന്ന മത്സരത്തിൽ നിരവധിപേർ പങ്കെടുത്തു. ഷംസീർ, ജംഷീർ, ജവാദ്, ഷുഹൈബ് എന്നിവർ ക്യാപ്റ്റന്മാരായി ഫര്‍വാനിയ, ഫഹാഹീല്‍, അബ്ബാസിയ, സാല്‍മിയ എന്നിങ്ങനെ നാല് സോണുകളായാണ് മത്സരം സംഘടിപ്പിച്ചത്.
യൂത്ത്, വെറ്ററന്‍സ് കാറ്റഗറികളിലായി 25 മീറ്റര്‍ ഫ്രീ സ്‌റ്റൈല്‍, റിലേ, വാട്ടര്‍ പോളോ എന്നീ ഇനങ്ങളില്‍ മത്സരം നടന്നു. കൂടുതല്‍ പോയന്റുകള്‍ നേടി ഫഹാഹീൽ ചാമ്പ്യൻ സ്ഥാനവും, ഫര്‍വാനിയ രണ്ടാമതുമെത്തി. കെ.ഐ.ജി കൂടിയാലോചന സമിതിയംഗം റസാഖ് നദ്‌വി, പ്രോഗ്രാം കോഓഡിനേറ്റര്‍ ജാസിം, കൺവീനർ യാസിർ എന്നിവര്‍ വിജയികള്‍ക്ക് ട്രോഫിയും മെഡലുകളും കൈമാറി.
ഹഷീബ്, ജവാദ്, അഷ്ഫാഖ്, മുക്സിത്, അകീൽ, സൽമാൻ,സിറാജ്, ജുമാൻ, റമീസ്, ബാസിൽ എന്നിവര്‍ പരിപാടിക്ക് നേതൃത്വം നല്‍കി. മത്സത്തില്‍ 150ൽ പരം ആളുകള്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.