യൂത്ത് ഇന്ത്യ അബുഹലിഫ യൂനിറ്റ് സംഘടിപ്പിച്ച സ്ട്രീറ്റ് ക്വിസ്
കുവൈത്ത് സിറ്റി: കുവൈത്ത് ദേശീയദിനത്തിന്റെ ഭാഗമായി കുവൈത്തിനെ അടുത്തറിയാൻ പൊതുജനത്തെ പ്രേരിപ്പിക്കുക എന്ന ലക്ഷ്യവുമായി യൂത്ത് ഇന്ത്യ അബുഹലിഫ യൂനിറ്റ് സ്ട്രീറ്റ് ക്വിസ് പരിപാടി നടത്തി. കുവൈത്തിന്റെ രാഷ്ട്രീയ, സാംസ്കാരിക ചരിത്ര സംബന്ധിയായ ചോദ്യങ്ങൾക്ക് ഉത്തരം നൽകിയവർക്ക് ആകർഷകമായ സമ്മാനങ്ങൾ വിതരണം ചെയ്തു. ഫഹാഹീൽ അൽകൂത്ത്‌ ബീച്ചിലും മക്ക സ്ട്രീറ്റിലുമായി മധുരപലഹാര വിതരണത്തോടെയാണ് വേറിട്ട രീതിയിൽ കുവൈത്ത് ദേശീയ ദിനാഘോഷത്തിൽ പങ്കാളികളായത്. കുവൈത്ത് സ്വദേശികളും വിദേശികളുമായ നിരവധി ആളുകൾ സ്ട്രീറ്റ് ക്വിസിൽ പങ്കെടുത്തു. യൂത്ത് ഇന്ത്യ അബുഹലീഫ യൂനിറ്റ് പ്രസിഡൻറ് അബ്ദുൽ അസീസ്, സെക്രട്ടറി ഹാരിസ് ഇസ്മായീൽ, ട്രഷറർ നിയാസ്‌, സൽമാൻ, നിഹാദ് ആഷിക്, ഷഫീഖ്‌, അബ്ദുൽ ബാസിത്, ഷംസീർ, തസ്‌നീം, അലി വെള്ളാരതൊടി എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.