കുട്ടികളുടെ പുസ്തകഭാരം കുറക്കും; ന​ട​പ​ടി​യു​മാ​യി വി​ദ്യാഭ്യാ​സ മ​ന്ത്രാ​ല​യം

മ​സ്ക​ത്ത്: ഒ​ന്നുമു​ത​ൽ നാ​ലു വ​രെ ക്ലാ​സു​ക​ളി​ലെ കു​ട്ടി​ക​ൾ​ക്ക് സ്കൂ​ൾ ബാ​ഗു​ക​ളു​ടെ ഭാ​രം മൂ​ല​മു​ണ്ടാ​വു​ന്ന ആ​രോ​ഗ്യ പ്ര​ശ്ന​ങ്ങ​ൾ ഒ​ഴി​വാ​ക്കാ​നു​ള്ള പ​ദ്ധ​തി​യു​മാ​യി ഒ​മാ​ൻ വി​ദ്യാ​ഭ്യാ​സ മ​ന്ത്രാ​ല​യം രം​ഗ​ത്ത്. കു​ട്ടി​ക​ൾ ഭാ​ര​മു​ള്ള സ്കൂ​ൾ ബാ​ഗു​ക​ൾ ചു​മ​ക്കു​ന്ന​തി​ന്‍റെ ഫ​ല​മാ​യി നി​ര​വ​ധി ആ​രോ​ഗ്യ പ്ര​ശ്ന​ങ്ങ​ൾ ഉ​ണ്ടാ​വു​മെ​ന്ന് പ​ഠ​ന​ത്തി​ൽ വ്യ​ക്ത​മാ​യി​രു​ന്നു.

ന​ട്ടെ​ല്ലി​ന​ട​ക്കം ക്ഷ​ത​മു​ണ്ടാ​വാ​നും കു​ട്ടി​ക​ൾ വീ​ഴാ​നും സാ​ധ്യ​ത കൂ​ടു​ത​ലാ​ണ്. ഇ​ത് കു​ട്ടി​ക​ളു​ടെ മാ​ന​സി​ക ആ​രോ​ഗ്യ​ത്തെ​യും പ്ര​തി​കൂ​ല​മാ​യി ബാ​ധി​ക്കും. സ്കൂ​ൾ ബാ​ഗു​ക​ൾ ഉ​ണ്ടാ​ക്കാ​ൻ ഉ​പ​യോ​ഗി​ക്കു​ന്ന വ​സ്തു​ക്ക​ളു​ടെ ഗു​ണ​നി​ല​വാ​ര​വും കു​ട്ടി​ക​ളു​ടെ ആ​രോ​ഗ്യ​ത്തെ ബാ​ധി​ക്കു​ന്നു​ണ്ട്.

മാ​ർ​ക്ക​റ്റി​ൽ ല​ഭി​ക്കു​ന്ന സ്കൂ​ൾ ബാ​ഗു​ക​ളി​ൽ പ​ല​തും ഭാ​രം കൂ​ടി​യ​തും കു​ട്ടി​ക​ൾ​ക്ക് സൗ​ക​ര്യ​പ്ര​ദ​മ​ല്ലാ​ത്ത​തും കു​ട്ടി​ക​ളു​ടെ ആ​രോ​ഗ്യ മാ​ന​ദ​ണ്ഡ​ങ്ങ​ൾ പാ​ലി​ക്കാ​ത്തു​മാ​ണ്. പു​സ്ത​കം പ​ഠ​നോ​പ​ക​ര​ണ​ങ്ങ​ൾ എ​ന്നി​വ​ക്കൊ​പ്പം പു​സ്ക​ത​ത്തി​ന്‍റെ ഭാ​രം കൂ​ടി​യാ​വു​മ്പോ​ൾ കു​ട്ടി​ക​ളു​ടെ പ്ര​യാ​സം വ​ർ​ധി​ക്കു​ന്നു.

അ​തി​നാ​ൽ, കു​ട്ടി​ക​ൾ ഉ​പ​യോ​ഗി​ക്കു​ന്ന ബാ​ഗു​ക​ളു​ടെ നി​ല​വാ​രം അ​ധി​കൃ​ത​ർ നി​ശ്ച​യി​ച്ചി​ട്ടു​ണ്ട്. ബാ​ഗു​ക​ൾ നി​ർ​മി​ക്കു​ന്ന​ത് ന​ല്ല ഗു​ണ​നി​ല​വാ​ര​മു​ള്ള വ​സ്തു​ക്ക​ൾ കൊ​ണ്ടാ​വ​ണ​മെ​ന്നും ഭാ​രം കു​റ​ഞ്ഞ​വ​യാ​യി​രി​ക്ക​ണ​മെ​ന്നും നി​ർ​ദേ​ശ​ത്തി​ലു​ണ്ട്. ബാ​ഗും ബാ​ഗി​ലെ പു​സ്‍ത​ക​ങ്ങ​ളു​മ​ട​ക്കം മൊ​ത്തം ഭാ​രം കു​ട്ടി​യു​ടെ ഭാ​ര​ത്തി​ന്‍റെ 10 ശ​ത​മാ​ന​ത്തി​ൽ കൂടു​ത​ൽ വ​രാ​ൻ പാ​ടി​ല്ല.

സ്കൂ​ൾ ബാ​ഗി​ലെ ചു​മ​ലി​ലി​ടു​ന്ന വ​ള്ളി​ക​ൾ വീ​തി കൂ​ടി​യ​തും മൃ​ദു​ലാ​മാ​യ​തു​മാ​യി​രി​ക്ക​ണം. ഇ​ത് കു​ട്ടി​യു​ടെ ശ​രീ​ര പ്ര​കൃ​തി​ക്ക​നു​സ​രി​ച്ച് ചെ​റു​താ​ക്കാ​നും ക​ഴി​യു​ന്ന​താ​ക​ണം. പു​സ്ത​ക സ​ഞ്ചി​യു​ടെ പ​ല ഭാ​ഗ​ങ്ങ​ളി​ലാ​യി നി​ര​വ​ധി പോ​ക്ക​റ്റു​ക​ൾ ഉ​ണ്ടാ​ക​ണം. ബാ​ഗ് ശ​രീ​ര​ത്തി​ൽ ഒ​തു​ങ്ങി നി​ൽ​ക്കു​ന്ന​താ​ക​ണം.

ഒ​ന്നു മു​ത​ൽ നാ​ല് വ​രെ ക്ലാ​സു​ക​ളി​ലെ കു​ട്ടി​ക​ളു​ടെ ബാ​ഗ് ഭാ​രം കു​റ​ക്കാ​നാ​യി ചി​ല നി​ർ​ദേ​ശ​ങ്ങ​ളും മ​ന്ത്രാ​ല​യം മു​ന്നോ​ട്ട് വെ​ക്കു​ന്നു​ണ്ട്. ഈ ​ക്ലാ​സി​ലെ കു​ട്ടി​ക​ൾ 80 ഷീ​റ്റു​ള്ള ര​ണ്ട് നോ​ട്ട് പു​സ്ത​ക​ങ്ങ​ൾ മാ​ത്ര​മെ ഉ​പ​യോ​ഗി​ക്കാ​വൂ. മ​ന്ത്രാ​ല​യം ന​ൽ​കു​ന്ന പു​സ്ത​ക​ങ്ങ​ൾ​ക്ക് പു​റ​ത്ത് ബൈ​ൻ​ഡ് ചെ​യ്യാ​നും മ​റ്റും പാ​ടി​ല്ല.

എ​ല്ലാ ദി​വ​സ​വും കു​ട്ടി​ക​ൾ സ്കൂ​ളി​ൽ പു​സ്ത​ക​ങ്ങ​ൾ കൊ​ണ്ടു വ​രു​ന്ന​തി​ന് പ​ക​രം സ്കൂ​ളി​ൽ കു​ട്ടി​ക​ൾ​ക്ക് ലോ​ക്ക​റു​ക​ൾ അ​നു​വ​ദി​ക്കും. അ​ധ്യാ​പ​ക​ർ പ​ര​സ്പ​രം സ​ഹ​ക​രി​ച്ച് ഗൃ​ഹ​പാ​ഠ​ങ്ങ​ൾ ന​ൽ​കു​ക​യും ഇ​ല​ക്ട്രോ​ണി​ക് പു​സ്‍ത​ക​ങ്ങ​ൾ ഉ​പ​യോ​ഗ​പ്പെ​ടു​ത്തു​ക​യും വേ​ണം. കു​ട്ടി​ക​ൾ സ്കൂ​ൾ ടൈം ​ടേ​ബി​ളു​ക​ൾ അ​നു​സ​രി​ച്ചാ​ണ് പു​സ്‍ത​ക​ങ്ങ​ൾ കൊ​ണ്ട് പോ​കു​ന്ന​തെ​ന്ന് ഉ​റ​പ്പ് വ​രു​ത്തു​ക​യും അ​നാ​വ​ശ്യ പു​സ്ത​ക​ങ്ങ​ൾ കൊ​ണ്ട് പോ​കു​ന്ന​ത് ത​ട​യു​ക​യും വേ​ണം.

ബ​സ് കാ​ത്തി​രി​ക്കു​മ്പോ​ൾ കു​ട്ടി​ക​ൾ ബാ​ഗ് ത​റ​യി​ൽ വെ​ക്കു​ക​യും സ്കൂ​ൾ അ​സം​ബ്ലി സ​മ​യ​ത്ത് ബാ​ഗ് ക്ലാ​സ് മു​റി​യി​ൽ വെ​ക്കു​ക​യും വേ​ണ​മെ​ന്ന് മ​ന്ത്രാ​ല​യം നി​ർ​ദേ​ശി​ക്കു​ന്നു​ണ്ട്. കു​ട്ടി​ക​ളു​ടെ ഭ​ക്ഷ​ണ​പാ​ത്ര​ങ്ങ​ൾ പു​സ്ത​ക ബാ​ഗി​ൽ വെ​ക്കാ​തെ പ്ര​ത്യേ​കം കൊ​ണ്ട് പോ​വ​ണ​മെ​ന്നും മ​ന്ത്രാ​ല​യം നി​ർ​ദേ​ശി​ക്കു​ന്നു.