ഡോ. ജെ രത്നകുമാർ
മസ്കത്ത്: വേൾഡ് മലയാളി ഫെഡറേഷന്റെ (ഡബ്ല്യു.എം.എഫ്) ഗ്ലോബൽ ചെയർമാനായി ഒമാനിലെ ഡോ. ജെ രത്നകുമാറിനെ തിരഞ്ഞെടുത്തു. ബാങ്കോക്കിൽ നടന്ന ഗ്ലോബൽ കൺവെൻഷനിലാണ് തലശ്ശേരി സ്വദേശിയും ഒമാനിൽ കല, സാസ്കാരിക സാമൂഹ്യ മേഖലകളിൽ നിറസാന്നിധ്യമായ ഡോ. ജെ രത്നകുമാറിനെ തിരഞ്ഞെടുത്തത്. ലോക കേരളാ സഭാ അംഗം, പ്രവാസി ഇന്ത്യൻ ലീഗൽ സർവീസ് സൊസൈറ്റി പ്രസിഡന്റ്, ഇന്ത്യൻ സയൻസ് ഫോറം പ്രസിഡന്റ്, ഭാവലയ ആർട്സ് ആൻഡ് കൾച്ചറൽ ഫൗണ്ടേഷൻ സ്ഥാപക ചെയർമാൻ, മലയാളം മിഷൻ ഒമാൻ ചാപ്റ്റർ ചെയർമാൻ, ഇൻഷുറൻസ് റിസ്ക് കൺസൾട്ടൻസിയുടെ സി.ഇ.ഒ എന്നീ നിലകളിൽ പ്രവർത്തിക്കുന്നുണ്ട്. ഡബ്ല്യു.എം.എഫ് ഒമാൻ നാഷനൽ കമ്മറ്റി കോഡിനേറ്റർ, ഗ്ലോബൽ കോഡിനേറ്റർ, ഗ്ലോബൽ പ്രസിഡന്റ് എന്നീ പദവികളും വഹിച്ചിട്ടുണ്ട്. ലോകത്ത് 164 രാജ്യങ്ങളിൽ സാന്നിധ്യമുള്ള ഡബ്ല്യു.എം.എഫ്, കേരള സർക്കാർ നോർക്ക അംഗീകൃത സംഘടനയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.