ഒമാൻ ലക്സംബർഗ് അധികൃതർ നടത്തിയ ചർച്ച
മസ്‌കത്ത്: ഗ്രീൻ ഹൈഡ്രജൻ മേഖലയിലെ നിക്ഷേപ സാധ്യതകൾ തേടി ഒമാനും ലക്‌സംബർഗും ചർച്ച നടത്തി. ഊർജ, ധാതു വകുപ്പ് എൻജിനീയർ സലിം ബിൻ നാസർ അൽ ഔഫിയായിരുന്നു ഒമാൻ പക്ഷത്തെ നയിച്ചത്.
ഊർജ, സ്പെഷൽ പ്ലാനിങ് മന്ത്രി ക്ലോഡ് തുർമെസായിരുന്നു ലക്സംബർഗിന്റെ ചർച്ചക്ക് നേതൃത്വം നൽകിയത്. ഒമാനിലെ ഹരിത ഹൈഡ്രജൻ മേഖലയിലെ നിക്ഷേപ സാധ്യതകൾ യോഗം അവലോകനം ചെയ്തു.
ആഗോള സാമ്പത്തിക കേന്ദ്രമെന്ന നിലയിൽ ലക്സംബർഗിന്റെ സാമ്പത്തികശേഷി പ്രയോജനപ്പെടുത്തുന്നതിനും ഈ മേഖലയിൽ നിക്ഷേപം നടത്താൻ വിദേശ മൂലധനം ആകർഷിക്കുന്നതിനുള്ള സുൽത്താനേറ്റിന്റെ ശ്രമങ്ങളെ പിന്തുണക്കുന്നതിനെ കുറിച്ചും ചർച്ച ചെയ്തു.
ലക്സംബർഗിലെ ഒമാൻ അംബാസഡർ ശൈഖ് ഡോ. അബ്ദുല്ല ബിൻ സലിം അൽ ഹാർത്തി, ഊർജ, ധാതു മന്ത്രിയെ അനുഗമിച്ച പ്രതിനിധി സംഘം, ലക്സംബർഗിലെ ഊർജ, സ്പെഷൽ പ്ലാനിങ് മന്ത്രാലയത്തിലെയും സ്വകാര്യ മേഖലയിലെയും നിരവധി ഉദ്യോഗസ്ഥർ എന്നിവർ ചർച്ചയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.